გიორგი ჟურული

დაბადების ადგილი: ქ. ბათუმი.

სწავლობდა მოსკოვის დრამატულ სტუდიაში.

1925 წელს იგი უკვე ვ. მეიერჰოლდის ექსპერიმენტულ თეატრ-სახელოსნოშია; 1933 წლამდე მოღვაწეობდა მოსკოვის სხვადასხვა თეატრებში, შემდეგ დანიშნეს ფოთის სახელმწიფო თეატრის სამხატვრო ხელმძღვანელად და მთავარ რეჟისორად; ერთი წლის შემდეგ გადმოვიდა თბილისში და მუშაობდა ჯერ კ. მარჯანიშვილის, შემდეგ ზ. ფალიაშვილის სახელობის ოპერისა და ბალეტის თეატრში, მოგვიანებით მოზარდ მაყურებელთა თეატრში; 1949-1954წწ. იყო ამავე თეატრის მთავრი რეჟისორი. მან მნიშვნელოვანი ამაგი დასდო სოხუმის ქართულ თეატრს, სადაც არაერთი შესანიშნავი სპექტაკლი განახორციელა. საყოველთაო მოწონებით სარგებლობდა რეჟისორის მიერ დადგმული სპექტაკლები: "ვერაგობა და სიყვარული", "რაც გინახავს, ვეღარ ნახავ", "ნაპერწკლიდან", "კრეჩინსკის ქორწინება", "წიწამური", "ტრავიატა", "ჯავშნოსანი პოტიომკინი", "წყნარი დონი", "კაკო ყაჩაღი" და სხვა.

წყარო: მამულიშვილთა სავანე. - თბ., 1994. - გვ.306; ქართული მუსიკის ენციკლოპედიური ლექსიკონი. – თბ., 2015. – გვ. 397; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.323; კარგ ქართველთა საფლავები: geonecropol.ge

• 1943 - საქართველოს ხელოვნების დამსახურებული მოღვაწე