სალომე ყანჩელი

დაბადების ადგილი: ქ. თბილისი.

დაამთავრა თბილისის თეატრალური ინსტიტუტი.

ინსტიტუტის დამთავრების შემდეგ მიიწვიეს რუსთაველის თეატრში მსახიობად; 1946-1948წწ. მარჯანიშვილის თეატრშია, ხოლო 1948-1956წწ. სოხუმის ქართული თეატრის დასში მოღვაწეობს; აქ შეასრულა მან ისეთი როლები როგორიცაა: ცაბუ (შ. დადიანის "ნაპერწკლიდან"), ესმა (გ. წერეთლის "პირველი ნაბიჯი"), ძიძია (ა. ყაზბეგის "ხევისბერი გოჩა"), მარანდოლინა (კ. გოლდონის "სასტუმროს დიასახლისი") და სხვა; 1956 წლიდან სალომე ყანჩელი კვლავ რუსთაველის სახელობის თეატრშია, ამჯერად სიცოცხლის ბოლომდე; აქ ახალი ძალით გაიელვა მისმა ხალასმა ნიჭმა, მაღალმა სცენურმა ოსტატობამ, სინატიფემ და ქალურმა მშვენიერებამ; მსახიობმა დიდი ოსტატობით განასახიერა მკვეთრად განსხვავებული სცენური სახეები: ივლიტე (კ. ბუაჩიძის "ამბავი სიყვარულისა") მზეთუნახავი (გ. ნახუცრიშვილის "ჭინჭრაქა"), ბაბალე (მ. ელიოზიშვილის "ბებერი მეზურნეები"), ხანუმა (ა. ცაგარელის "ხანუმა"), ბერნარდა (ფ. გარსიას ლორკას "ბერნარდა ალბას სახლი") და სხვა; ასევე მეტად დასამახსოვრებელი სახეები შექმნა ქართულ კინოსა და სატელევიზიო დადგმებში. იურისტისა და ლიტერატორის სანდრო (ალექსანდრე) ყანჩელის შვილი. 

წყარო: მამულიშვილთა სავანე. - თბ., 1994. - გვ.353; სალომე ყანჩელი : რესპ. სახალხო არტისტი. 1921-1985. ნეკროლოგი // კომუნისტი. - თბილისი, 1985. - 15 დეკემბერი. -გვ.4; გიორგი ტოვსტონოგოვმა არ შეასრულა პირობა - როცა სალომეს ფინანსური მდგომარეობა გამოუსწორდა, შვილები არ გამოატანა / მარინა ბაბუნაშვილი // კვირის პალიტრა. - თბილისი, 2012. - 12 აპრილი. - N 15 (925)

• საქართველოს სახალხო არტისტი