გიორგი შავგულიძე

დაბადების ადგილი: ქ. ქუთაისი.

დაამთავრა მეორე ჰუმანიტარული ტექნიკუმი ქუთაისში.

თავდაპირველად მუშაობდა ქუთაის-ბათუმის თეატრის დასში, რომელსაც კოტე მარჯანიშვილი ხელმძღვანელობდა; ორ წელიწადში მარჯანიშვილის თეატრი თბილისში გადმოვიდა (შემდგომ კ. მარჯანიშვილის სახელობის თეატრი) და თეატრის დასს თბილისში წამოყვა; თეატრის სცენაზე შესრულებუილი როლები: იულიუსი("ანტონიოს და კლეოპატრა"), ნიკოფორე ("მისი ვარსკვალავი"), აბესალომი ("ირინეს ბედნიერება"), საიათნოვა("მეფე ერეკლე"), ჭყონდიდელი ("დავით აღმაშენებელი"), ხარიტონი ("კოლმეურნის ქორწინება") და სხვა; მას მნიშვნელოვანი წვლილი მიუძღვის ქართული კინემატოგრაფიის განვითარებაში, სადაც 1938 წლიდან დაიწყო მოღვაწეობა; გადაღებულია ფილმებში: ერემია ("ბედნიერი შეხვედრა"), ნოდარი ("გიორგი სააკაძე"), ნიკო ("ქეთო და კოტე"), დავით გურამიშვილი ("დავით გურამიშვილი") და სხვა; საქართველოს დამსახურებული არტისტის ლიზიკო ვაჩნაძის მეუღლე. დაჯილდოებულია ორი ორდენით და მედლებით. 

წყარო: მამულიშვილთა სავანე. - თბ., 1994. - გვ.363

• 1955 - საქართველოს სახალხო არტისტი
• 1952 - სსრკ სახელმწიფო პრემია