ვლადიმერ ცეცხლაძე

დაბადების ადგილი: სოფელი შემოქმედი, ოზურგეთის რაიონი.

დაამთავრა ხარკოვის ვეტერინარული ინსტიტუტი 1907 წელს; ხარკოვის უნივერსიტეტის სამედიცინო ფაკულტეტი 1912 წელს.

თბილისში დაბრუნების შემდეგ მუშაობდა თბილისის სახელმწიფო უნივერსიტეტის სამკურნალო ფაკულტეტის "ადამიანის ნორმალური ანატომიის კათედრაზე"; ის ეკუთვნის იმ მეცნიერთა რიცხვს, რომლებიც თსუ-ს სამკურნალო ფაკულტეტზე მოვიდნენ მისი დაარსებისთანავე (1918) და ვინც უნივერსიტეტში პირველებმა დაიცვეს სადოქტორო დისერტაციები (სულ 12 მეცნიერი); 1929-1930წწ. თბილისის სახელმწიფო უნივერსიტეტის ტოპოგრაფიული ანატომიის დოცენტურის ხელმძღვანელი. თავისი ძირითადი საქმიანობის პარალელურად იღწვოდა ქვეყნის ფიზიკური კულტურის განვითარებისთვის. ექიმი - ანატომი, მედიცინის მეცნიერებათა დოქტორი (1927), პროფესორი (1930).

სადისერტაციო თემა - "ადამიანის დიდი ბადექონის მორფოლოგიური თავისებურებანი და მათი მნიშვნელობა ამ ორგანოს ფუნქციების გასაშუქებლად", დაიცვა 1927 წელს.

წყარო: მამულიშვილთა სავანე. - თბ., 1994. - გვ.394; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.184-185; კარგ ქართველთა საფლავები: geonecropol.ge; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.207

• ადამიანის ფიზიოლოგია : სახელმძღვ. სამკ. სკ. და გამოსადეგი წიგნი სტუდ. პედოლოგიის ფიზიოლ. ნაწილის შესასწავლად (ავტორი). - ტფილისი, ტფ. უნ-ტის გა-მა, 1928. - 132გვ.
• ადამიანის დიდი ბადექონის მორფოლოგიური თავისებურებანი და მათი მნიშვნელობა ამ ორგანოს ფუნქციების გასაშუქებლად : სახ. უნ-ტის გამ-ბა (ავტორი). - ტფილისი, სახ. უნ-ტის გამ-ბა, 1927. - 161გვ.
• რამოდენიმე ცდა ცხოველების დიდ ბადექონზე (ავტორი). - ტფილისი, ს.ს.მ.უ.ს. პოლიგრაფტრ. 1-ლი სტ., 1926. - 12გვ.