მაია მშვილდაძე

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1980 წელს (საფორტეპიანო), ივანე ჯავახიშვილის სახელობის თბილისის სახელმწიფო უნივერსიტეტი 1996 წელს (ეკონომიური).

1979-1981წწ. იყო ქ. გორის საოპერო სტუდიის კონცერტმაისტერი და პედაგოგი; 1981-1983წწ. სტაჟიერება გაიარა მოსკოვის გნესინების სახელობის პედაგოგიურ ინსტიტუტში საკონცერტმაისტერო და კამერული ანსამბლის განხრით, აქვე, სადირიჟორო ფაკულტეტის კონცერტმაისტერი; 1984-1990წწ. ვ. სარაჯიშვილის სახელობის თბილისის სახელმწიფო კონსერვატორიის ვოკალური ფაკულტეტის კონცერტმაისტერი, 1990 წლიდან კამერული ანსამბლის კათედრის პედაგოგი, 2007 წლიდან ასოცირებული პროფესორი; ლაურეატი მოწაფეები: კამერული ანსამბლის განხრით ე. ბერიევი, ი. კენკებაშვილი, თ. კვარაცხელია, გ. გაბელაია, ს. ხომასურიძე; ქართული რეპერტუარი: საკონცერტმაისტერო განხრით - ო. თაქთაქიშვილი "მუსუსი"(1979), ვოკალური ციკლი გ. ტაბიძის ლექსებზე, რ. ჩირინაშვილი კონცერტი 2 ფორტეპიანოსათვის, ვ. აზარაშვილი სავიოლინო სონატა, სონატა 2 ვიოლინოსა და ფორტეპიანოსათვის, პიესები ორი ფორტეპიანოსათვის: "ბერიკაობა", "ესპანური სიუიტა", მისივე, პიესები 4 ხელისათვის, სავიოლინო "პოემა", სკერცო, ნოქტურნი, ტანგო, ნოსტალგია, გ. ჩლაიძე "ქალაქური" 2 ფორტეპიანოსათვის; სხვა რეპერტუარი: დასავლეთ ევროპის კლასიკოსთა და XX საუკუნის მუსიკა 2 ფორტეპიანოსათვის; პიანისტი, კონცერტმაისტერი, კამერული ანსამბლის სოლისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 352; გაზეთი "ახალი თაობა": akhalitaoba.ge