სტეფანე ჭრელაშვილი

დაბადების ადგილი: სოფელი მაღარო, სიღნაღის რაიონი.

სწავლობდა პეტერბურგის უნივერსიტეტში 1876 წლიდან.

დიდად გაიტაცა რევოლუციონერ-ხალხოსანმა იდეებმა და აქტიურად ჩაება მათი წრეების მუშაობაში; აღნიშნულის გამო მას 1878 წელს სამი თვით პატიმრობა და მუდმივი ზედამხედველობა მიუსაჯეს; ამავე მიზეზით ორჯერ იყო გაციმბირებულიც; 1887 წელს დაბრუნდა სამშობლოში და პუბლიცისტობას მიჰყო ხელი, თანამშრომლობდა "ივერიაში", "ნოვოე ობოზრენიესა" და სხვა პერიოდულ გამოცემებში, მუშაობდა თბილისის საქალაქო საბჭოში აგენტად, მდივნად; წილად ხვდა პატივი ყოფილიყო თბილისის ფუნიკულიორის პირველი დირექტორი; თავის საინტერესო პუბლიცისტურ წერილებს ქართულ ჟურნალ გაზეთებში "სანოსა" და "ტატალას" ფსევდონიმით აქვეყნებდა.

წყარო: მამულიშვილთა სავანე. - თბ., 1994. - გვ.411

• ჩვენი დევ-გმირები : ქართველი მწერლების სურათები (ავტორი). - თბილისი, 1879. - 31გვ.