ლამარა ბოკერია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი 1950 წელს.

1951-1952წწ. მუშაობდა გამომცემლობაში ინგლისურ-ქართული ლექსიკონის კორექტორად; 1953-1969წწ. საქართველოს ტელევიზიისა და რადიომაუწყებლობის სახელმწიფო კომიტეტის სხვადასხვა რედაქციებში (პროპაგანდის, სოფლის მეურნეობის, საბავშვო გადაცემათა) რედაქტორად; 1968-1992წწ. კომპანია "ქართულ ტელეფილმში" უფროს რედაქტორად, სასცენარო-სარედაქციო კოლეგიის წევრად. სცენარის ავტორია ფილმების: "შორია გურჯისტანამდე" (დოკუმენტური, 1970), "სერგო ზაქარიაძე" (დოკუმენტური, 1971), "მომღერალი თიხა" (დოკუმენტური, 1975), "უკანასკნელი ნახტომი" (დოკუმენტური, 1977); "გზა ჭადრაკის დედოფლის გვირგვინისაკენ" (დოკუმენტური, 1986). ქართულად თარგმნა ახალგაზრდა თაობისათვის დღემდე საყვარელი წიგნი, ედმუნდ ნიზიურსკის "მარეკ პეგუსის არაჩვეულებრივი თავგადასავალი", ასევე ჯეკ ლონდონის არაერთი მოთხრობა. 2012 წელს ლამარა ბოკერიამ თავისი მეუღლის მუხრან მაჭავარიანის ნათელ ხსოვნას უძღვნა მემორიალური ხასიათის წიგნი "ძე ქუხილისა".

წყარო: ეროვნული ფილმოგრაფია: geocinema.ge

• საქართველოს კინემატოგრაფისტთა შემოქმედებითი კავშირი, წევრი

• ძე ქუხილისა : მოგონებები პოეტ მუხრან მაჭავარიანზე (ავტორი). - თბილისი, დედაენა, 2012. - 200გვ.. - ISBN: 9789941046391
• მარეკ პეგუსის არაჩვეულებრივი თავგადასავალი (მთარგმნელი). - თბილისი, ბაკურ სულაკაურის გამ-ბა, 2011. - 196გვ.