ლევან კიტია

დაბადების ადგილი: ქ. თბილისი.

1975-1980წწ. სწავლობდა თბილისის სახელმწიფო უნივერსიტეტის გეოგრაფიის ფაკულტეტზე საზღვარგარეთის ქვეყნების ეკონომიური და სოციალური გეოგრაფიის სპეციალობაზე; 1977-1980წწ. იქვე საერთაშორისო გამოკვლევებისა და სწავლების განყოფილებაზე; 1980-1983წწ. საქართველოს მეცნიერებათა აკადემიის გეოგრაფიის ინსტიტუტის ასპირანტურაში; 1983-1987წწ. შოთა რუსთაველის სახელობის თეატრისა და კინოს ინსტიტუტის კინოსარეჟისორო ფაკულტეტზე.

1983 წლიდან მოღვაწეობს პროდიუსერად და რეჟისორად კინოსა და ტელევიზიაში; 1988 წლიდან ეწევა აქტიურ პედაგოგიურ მოღვაწეობას თბილისის სახელმწიფო უნივერსიტეტსა და თეატრისა და კინოს ინსტიტუტში. დამდგმელი რეჟისორია ფილმების: "ტრასა" (1991), "გზაჯვარედინი" (1991), "სიცოცხლის ფასი" (დოკუმენტური, 2012); სცენარის ავტორია ფილმების: "3-1" (1983), "ტრასა"(1991), "გზაჯვარედინი" (1991), "სიყვარული ვენახში" (2000), "სიცოცხლის ფასი" (დოკუმენტური, 2012); გადაღებულია ფილმებში: "ჩაძირული ქალაქის მაძიებლები" (1972), "წარსული მუდამ ჩვენთანაა" (გია, 1989), "დღე" (1993), "სამოთხე ჩვენი ქალაქის ქუჩებში" (2000) და სხვ.

წყარო: ეროვნული ფილმოგრაფია: geocinema.ge

• საქართველოს კინემატოგრაფისტთა შემოქმედებითი კავშირი, წევრი