ლევან ბატონიშვილი (შახ ყული-ხანი)

ქართლის მეფის ვახტანგ V-ის შვილი; ვახტანგ VI -ის მამა; ძმის გიორგი IX-ის ირანში გაწვევის დროს, 1675-1677 და 1703 წელს იყო ქართლის გამგებელი (ჯანიშინი); 1678 წელს ირანში გაიწვიეს, გაამაჰმადიანეს და შახ ყული-ხანი უწოდეს. დაინიშნა ქირბანის ნაიბად; შაჰის დავალებით ხელმძღვანელობდა ბელუჯების წინააღმდეგ ბრძოლას. შემდეგ ირანის მდივანბეგობაც მიიღო.  იგი კათოლიკე მისიონერებს მფარველობდა, იყო სულხან - საბა ორბელიანის მიერ ქართული ლექსიკონის შედგენის ერთერთი ხელშემწყობი. მას შეუდგენია "ვედრება" იოანე ნათლისმცემისა, პეტრე-პავლესა და სხვა წმინდანებისადმი.

 წყარო: ქართული საბჭოთა ენციკლოპედია: ტ. 6.-თბ., 1983.-გვ.156; საქართველო: ენციკლოპედია: ტ.5. -თბ.,2023. -გვ.318-319