სოსო ლაღიძე

დაბადების ადგილი: ქ. სამტრედია.

დაამთავრა შოთა რუსთაველის სახელობის თეატრალური ინსტიტუტის სამსახიობო ფაკულტეტი 1959 წელს.

1959 წლიდან თბილისის შოთა რუსთაველის სახელობის სახელმწიფო აკადემიური თეატრის მსახიობი. გადაღებულია ფილმებში: "საბუდარელი ჭაბუკი" (ვალიკო, 1957), "სხვისი შვილები" (გურამი, 1958), "გლახის ნაანმობი" (სანდრო, 1959), "ლონდრე" (გაბრიელი, 1966), "ყვარყვარე" (პავლე, 1978), "მარადისობის კანონი" (მერაბი, 1982), "მაგრამ რა მერე?" (დათიკო, 1997), "დარჩი ჩემთან" (2011) და სხვ.; რუსთაველის თეატრის სცენაზე განსახიერებული როლები: ლაპჩენკო (ა. არბუზოვი, "ისინი შეხვდნენ ერთმანეთს", რეჟისორი მ. თუმანიშვილი), ვეფხია ხალიბაური (კ. ბუაჩიძე "ამბავი სიყვარულისა", რეჟისორი მ. თუმანიშვილი, ლადო (გ. ნახუცრიშვილი, "ფიროსმანი", რეჟისორი დ. ალექსიძე), უფლისწული (სულხან-საბა ორბელიანი, "სიბრძნე სიცრუისა", რეჟსორი ნ. ხატისკაცი), ზაზა ნაკაშიძე (ნ. დუმბაძე, "საბრალდებო დასკვნა", რეჟისორი რ. სტურუა), გოგი (ბ. ბრეხტი, "კავკასიური ცარცის წრე", რეჟისორი რ. სტურუა) და სხვ. 2013–2014წწ. იყო რუსთაველის თეატრის დირექტორი. თბილისის სომხური თეატრის სპექტაკლ",საბრალდებო დასკვნაში" განსახიერებული სარალიძის როლისთვის სომხეთის კულტურის სამინისტროსა და თეატრალური საზოგასდოებისაგან გადაეცა ორი ოქროს მედალი (2017).

წყარო: ეროვნული ფილმოგრაფიის პორტალი (დაარქივებული): web.archive.org; საქართველო: ენციკლოპედია: ტ.5. -თბ.,2023. -გვ.303-304

• საქართველოს კინემატოგრაფისტთა შემოქმედებითი კავშირი, წევრი

• 1981 - საქართველოს დამსახურებული არტისტი