ალექსანდრე მეტრეველი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი 1971 წელს.

სამოყვარულო ჩოგბურთის ერთ-ერთი უძლიერესი წარმომადგენელი; 1973 წელს უიმბლონის ტურნირის ფინალისტი ერთეულთა თანრიგში და 1968 და 1970 წლებში ორგზის ფინალისტი წყვილთა თანრიგში. 1970-1978წწ. ევროპის 16-გზის ჩემპიონი ერთეულთა, წყვილთა და შერეულ წყვილთა თანრიგში, სსრკ 29-გზის ჩემპიონი ერთეულთა, წყვილთა და შერეულ წყვილთა თანრიგში, მოგებული აქვს 8 პროფესიული ტურნირი ერთეულთა თანრიგში და 2 წყვილთა თანრიგში. 1972-1974წწ. დასახელებული იყო მსოფლიოს უძლიერეს ჩოგბურთელად მოყვარულთა შორის; 1974 წელს შევიდა მსოფლიოს მოყვარულ და პროფესიონალ ჩოგბურთელთა ათეულში მეცხრე ნომრად. 18 წლის განმავლობაში შედიოდა სსრკ საუკეთესო მამაკაც ჩოგბურთელთა ათეულში, აქედან 12-ჯერ დასახელდა პირველ ნომრად (1966–1967, 1969–1978). რეგულარულად მონაწილეობდა დევისის თასზე (105 მატჩი). დამარცხებული ჰყავს მსოფლიო ჩოგბურთის კორიფეები ჯონ ნიუკომბი, ჯომი კონორსი, იან კოდეში და სხვა. გამოირჩეოდა აქტიურ კომბინაციური თამაშით, აქცენტით - ბადესთან გასვლაზე. მაღალი ფსიქოლოგიური და ფიზიკური მომზადებით. მწვრთნელი - არამ ხანგულიანი. 1981−1982წწ. იყო საქართველოს ნაკრების მწვრთნელი; 1988−1992წწ. საქართველოს სატელეგრაფო სააგენტოს მიმომხილველი. მოღვაწეობა გააგრძელა მოსკოვში სპორტულ კომენტატორად  (პრემია საუკეთესო რეპორტაჟისათვის, 2020).   ჩოგბურთელი.

წყარო: თბილისი: ენციკლოპედია.- თბ., 2002. - გვ.666; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.453; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• საქართველოს სპორტკომიტეტი, თავმჯდომარის მოადგილე (1982-1987)
• სსრკ ჩოგბურთის ფედერაცია, ვიცე-პრეზიდენტი

• 2017 - თბილისის საპატიო მოქალაქე
• 2015 - დევისის თასის სპეციალური მედალი Davis Cup Commitment Aword)
• 2014 - ქართული სპორტის რაინდი
• 1996 - ღირსების ორდენი
  საქართველოში ჩოგბურთის განვითარებაში შეტანილი განსაკუთრებული წვლილისა და ახალგაზრდა სპორტსმენთა აღზრდის საქმეშჭი დიდი დამსახურებისათვის
• 1976 - სსრკ აბსოლუტური ჩემპიონი
• 1975 - სსრკ აბსოლუტური ჩემპიონი (1970-1973, 1976)
• 1973 - სსრკ აბსოლუტური ჩემპიონი
• 1970 - ევროპის აბსოლუტური ჩემპიონი
• 1970 - სსრკ აბსოლუტური ჩემპიონი
• 1966 - საქართველოს საუკეთესო სპორტსმენი
• 1966 - სსრკ სპორტის დამსახურებული ოსტატი
• ავსტრალიის საპატიო მოქალაქე