იუზა ვასაძე

დაბადების ადგილი: ქ. ქუთაისი.

დაამთავრა საქართველოს სასოფლო-სამეურნეო ინსტიტუტი 1959 წელს; საქართველოს სუბტროპიკული მეურნეობის ინსტიტუტი - 1961 წელს; 1970 წელს დაიცვა საკანდიდატო დისერტაცია; 1986 წელს სომხეთის მებაღეობის, მევენახეობისს და მეღვინეობის ს/კ ინსტიტუტის სამეცნიერო საბჭოზე დაიცვა სადოქტორო დისერტაცია. მიენიჭა სოფლის მეურნეობის მეცნიერებათა დოქტორის ხარისხი.

1976-1981წწ. იყო სოფელ გალავნის, ხოლო 1983-1992წწ. - საგურამოს ექსპერიმენტული მეურნეობების დირექტორი; 1992-1994წწ. - კვებისა და გადამამუშავებელი მრეწველობის მინისტრის მოადგილე; 1994-1997წწ. - სოფლის მეურნეობის მინისტრის მოადგილე; 1997-1999წწ. - მევენახეობისა და მეღვინეობის სახელმწიფო რეგულირების დეპარტამენტის "სამტრესტის" თავმჯდომარე; 1999-2002წწ. - საქართველოს სოფლის მეურნეობისა და სურსათისა სამინისტროს მრჩეველი სამაჩაბლოში; 2002-2012წწ. - საქართველოს სოფლის მეურნეობის აკადემიის მებაღეობის, მევენახეობისა და მეღვინეობის სამეცნიერო-კვლევითი ინსტიტუტის მეხილეობის ტექნოლოგიური კვლევის განყოფილების გამგე; 2011 წლიდან - საქართველოს "მევენახეთა, მეღვინეთა და მებაღეთა სამეცნიერო-კვლევითი საწარმოო კავშირი" (არასამთავრობო ორგანიზაცია) პრეზიდენტი. შეისწავლა ხეხილოვანი კულტურების თანამედროვე მდგომარეობა და განვითარების პერსპექტივები, აღწერა 16-ზე მეტი ვაშლის ადგილობრივი ჯიში, რაც საფუძვლად დაედო ამ ჯიშების გამრავლებას საქართველოში. არის 5 გამოგონების და 4 პატენტის ავტორი. გამოქვეყნებული აქვს 142-ზე მეტი სამეცნიერო ნაშრომი, არის საერთაშორისო სიმპოზიუმების, კონგრესების  და საგრანტო პროგრამების მონაწილე. მიღებული აქვს სახელმწიფო ჯილდოები. აგრონომი, ინჟინერ-ტექნოლოგი, სოფლის მეურნეობის მეცნიერებათა დოქტორი (1986), პროფესორი (2001).

წყარო: საქართველო: ენციკლოპედია: ტ.III.–თბ., 2014.-გვ.192; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.113

• საქართველოს მევენახეთა, მეღვინეთა და მებაღეთა სამეცნიერო-კვლევითი საწარმოთ კავშირი , პრეზიდენტი (2011-)
• საქართველოს სოფლის მეურნეობის მეცნიერებათა აკადემია, წევრ–კორესპონდენტი (1992-1995)
• საქართველოს სოფლის მეურნეობის მეცნიერებათა აკადემია, ნამდვილი წევრი (1995-)

• 1997 - ღირსების ორდენი
• საპატიო ნიშნის მედალი

• ხეხილის გასხვლა-ფორმირება, მათი გაახალგაზრდავება და მექანიკური დაზიანებების აღმოსაფხვრელი ღონისძიებები : (რეკომენდაცია) (ავტორი). - თბილისი, აგრო, 2020. - 20გვ.. - ISBN: 9789941826368
• ხეხილოვანი კულტურების მორწყვა : (რეკომენდაცია) (ავტორი). - თბილისი, აგრო, 2020. - 12გვ.. - ISBN: 9789941826399
• ხეხილოვან კულტურათა დარაიონება აღმოსავლეთ საქართველოს მეხილეობის ზონების მიხედვით (ავტორი). - თბილისი, 2018. - 16გვ.. - ISBN: 9789941278051
• მეხილეობა, თანამედროვე მდგომარეობა, პერსპექტივები (ავტორი). - თბილისი, 2017. - 44გვ.. - ISBN: 9789941097416
• ხეხილოვან კულტურათა წარმოებაში არსებული თანამედროვე მდგომარეობა და განვითარების პერსპექტივები (თანაავტორი). - თბილისი, 2012. - 24გვ.
• რეკომენდაცია : ბროწეულის კულტურის (Punica granatum L) ნერგის წარმოება და ბაღების გაშენება (თანაავტორი). - თბილისი, 2011. - 16გვ.
• კაკლოვანი კულტურების (კაკალი, თხილი, ნუში) პერსპექტიული ჯიშების ნერგის წარმოება და მცირე კონტურიანი მაღალი ინტენსიური ტიპის ბაღების გაშენება-მოვლის ტექნოლოგიათა სისტემის შემუშავება (გრანტი N GNSF/ST07/8-276) : შრომათა კრებული. - თბილისი, 2010. - 85გვ.
• რეკომენდაციები მცენარეთა ნორმალური ზრდა-განვითარებისა და ნიადაგის დამუშავებისათვის საჭირო ოპტიმალური ტენიანობების პარამეტრების შესახებ (რედაქტორი). - თბილისი, 2010. - 16გვ.