შესვლა |
|
|
English Georgian |
დასაწყისიკატეგორიები |
ძიება საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ. ლექსიკონის მხარდამჭერია საქართველოს პარლამენტის ეროვნული ბიბლიოთეკა. პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო. |
ვერა ვაშაკიძე
ბიოგრაფიადაბადების ადგილი: ქ. თბილისი. დაამთავრა თბილისის სახელმწიფო სამედიცინო ინსტიტუტი 1949 წელს. მუშაობდა სანატორიუმ "ლიკანსა" და "სტროიტელში" (გუდაუთა). 1963-1978 წლებში იყო ნ. მახვილაძის სახელობის შრომის ჰიგიენისა და პროფდაავადების სამეცნიერო-კვლევითი ინსტიტუტის ტოქსიკოლოგიური განყოფილების გამგე. იყო ამავე ინსტიტუტის დირექტორის მოადგილე სამეცნიერო დარგში, ხოლო შემდეგ დირექტორი (1978-1996). ვერა ვაშაკიძე არჩეული იყო მსოფლიოს ჯანდაცვის ორგანიზაციის ევროპის რეგიონალური ბიუროს მრჩევლად (1978). იყო იუნეპის პოტენციურად ტოქსიკური ნივთიერების საერთაშორისო რეგისტრის კორესპონდენტი (1985). ჩინეთის სამედიცინო მეცნიერებათა აკადემიის ვიზიტიორ-პროფესორი (1990). რესპუბლიკის მთავარი სპეციალისტი პროფპათოლოგიისა და ტოქსიკოლოგიის დარგში (1987). არის მრავალი სამეცნიერო შრომის, მათ შორის 7 მონოგრაფიის ავტორი. მედიცინის მეცნიერებათა დოქტორი (1971), პროფესორი (1979), ექიმი-ტოქსიკოლოგი. წყარო: საქართველო: ენციკლოპედია: ტ.III.–თბ., 2014.-გვ.197 ორგანიზაციის, ასოციაციის ან ჯგუფის წევრი
ჯილდოები, პრემიები და პრიზები
ბიბლიოგრაფია
|
Biographical Dictionary. version 1.2.2.R1 Copyright © 2010-2012 by David A. Mchedlishvili |