ომარ ვაშაკიძე

დაბადების ადგილი: სოფელი დიდი ჯიხაიში, ახლანდელი სამტრედიის მუნიციპალიტეტი.

დაამთავრა საქართველოს სასოფლო-სამეურნეო  ინსტიტუტის ეკონომიკის ფაკულტეტი.

1956-1964 წლებში მუშაობდა საქართველოს სოფლის მეურნეობის ეკონომიკისა და ორგანიზაციის სამეცნიერო-კვლევით ინსტიტუტში, 1964-2006 წლებში საქართველოს სახელმწიფო საგეგმო კომიტეტთან არსებულ სახალხო მეურნეობის ეკონომიკისა და დაგეგმვის სამეცნიერო-კვლევით ინსტიტუტში სოფლის მეურნეობის განყოფილების გამგედ. 1959 წლიდან ლექციებს კითხულობდა საქართველოს აგრარულ უნივერსიტეტსა და თბილისის სხვადასხვა უმაღლეს სასწავლებელში. 1992-1998 წლებში იყო სახელმწიფო მრჩეველი საქართველოს სახელმწიფო მეთაურის (1995 წლიდან საქართველოს პრეზიდენტის) აპარატში. მონაწილეობდა ქვეყნის აგრარულ-სამრეწველო კომპლექსის ეკონომიკის და მართვის საკანონმდებლო აქტების შემუშავებაში. ომარ ვაშაკიძის სამეცნიერო შრომები ეძღვნება აგროსამრეწველო კომპლექსის ეკონომიკის, სოფლის მეურნეობის ორგანიზაციის, მართვისა და დაგეგმვის სრულყოფის პრობლემურ საკითხებს. ეკონომიკის მეცნიერებათა დოქტორი (1989), პროფესორი (1995), აგრარიკ-ეკონომისტი. 

წყარო: საქართველო: ენციკლოპედია: ტ.III.–თბ., 2014.-გვ.198; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.233

• 2001 - ღირსების ორდენი

• მეთერთმეტე ხუთწლედის ცენტრალური პრობლემა : საქ. სსრ სასურსათო პროგრამა (ავტორი). - თბილისი, საბჭ.საქართველო, 1984. - 190გვ.
• მეცნიერულ-ტექნიკური პროგრესი და წარმოების ეფექტიანობა საქართველოს სოფლის მეურნეობაში (ავტორი). - თბილისი, საბჭ.საქართველო, 1980. - 272გვ.
• აგრარულ-სამრეწველო კომპლექსის ფორმირება და განვითარება საქართველოს სსრ-ში (თანაავტორი). - თბილისი, 1979. - 37გვ.