ანზორ ჩარქსელიანი

დაბადების ადგილი: სოფელი უშგული.

დაამთავრა საქართველოს სასოფლო-სამეურნეო ინსტიტუტის ეკონომიკა-ორგანიზაციის ფაკულტეტი 1959 წელს.

1959-1960 წლებში მუშაობდა საქართველოს სასოფლო-სამეურნეო ინსტიტუტის ეკონომიკის კათედრაზე ლაბორანტ-სტატისტიკოსად, 1960-1963 წწ. იყო ამავე ინსტიტუტის სტატისტიკისა და საბუღალტრო აღრიცხვის კათედრის ასისტენტი; 1964-1970 წწ. - საქართველოს კპ ცენტრალური კომიტეტის სოფლის მეურნეობის განყოფილების ინსტრუქტორი; 1970-1974 წწ. -  საქართველოს სასოფლო-სამეურნეო ინსტიტუტის პარტიული კომიტეტის მდივანი; 1974-1980 წწ. - მაიაკოვსკის რაიონის პარტიის რაიკომის პირველი მდივანი, 1980 წლიდან საქართველოს მიწათმოწყობის სახელმწიფო საპროექტო-საძიებო და სამეცნიერო-კვლევითი ინსტიტუტის "საქსახმიწპროექტის" დირექტორი; 1992-1995წწ. საართველოს მე-3 მოწვევის პარლამენტის წევრი, საარჩევნო ბლოკი: "სრულიად საქართველოს მიწადმოქმედთა კავშირი", საარჩევნო ფორმა: პარტიული სიით. მისი სამეცნიერო შრომები ძირითადად ეხება მიწათმოწყობისა და მიწის კადასტრის საკითხებს. მიღებული აქვს სახელმწიფო ჯილდოები. ეკონომიკის მეცნიერებათა დოქტორი (1995), პროფესორი (1971).

წყარო: თბილისი: ენციკლოპედია.- თბ., 2002. - გვ.682; საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.145; საქართველოს პარლამენტის ვებგვერდი: old.parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 365

• საქართველოს აგრარული მეცნიერებათა აკადემია, წევრი (1998-)
• საქართველოს მე-3 მოწვევის პარლამენტი, წევრი (1992-1995)
• საქართველოს მე-3 მოწვევის პარლამენტის აგრარული კომისია, წევრი (1992-1995)
• საქართველოს მე-3 მოწვევის პარლამენტის ფრაქცია "მიწათმოქმედი", წევრი (1993-1995)
• საქართველოს სსრ მე-9 მოწვევის უმაღლესი საბჭო, წევრი (1992-1995)

• 2002 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  საბუნებისმეტყველო მეცნიერებათა დარგში 1970-1999 წლებში შესრულებულ შრომათა ციკლისათვის - "საქართველოს ნიადაგების კვლევა"
• 1976 - შრომის წითელი დროშის ორდენი
• 1971 - საპატიო ნიშნის ორდენი
• 1970 - მედალი "შრომითი მამაცობისთვის"

• საქართველოს სსრ მიწის კადასტრი (თანაავტორი). - თბილისი, 1988. - 735გვ.
• 1980-1981 წლებში ჩატარებული ციტრუსოვანთა პლანტაციების პასპორტიზაციის შედეგები (თანაავტორი). - თბილისი, 1985. - 995გვ.
• კოლმეურნეობებისა და სამრეწველო საწარმოთა მიწათმოწყობის საკითხები (ავტორი). - თბილისი, 1971. - 36გვ.
• სასოფლო-სამეურნეო საწარმოთა მიწათმოწყობის საკითხები : მუხრანისა და დიღმის სასწ.-საცდელი მეურნეობის მაგალითზე (ავტორი). - თბილისი, საბჭ. საქართველო, 1970. - 160გვ.