გრიგოლ ნათაძე

დაბადების ადგილი: ქ. კასპი.

დაამთავრა მოსკოვის უნივერსიტეტის ისტორიულ-ფილოლოგიური ფაკულტეტი 1907 წელს.

სწავლობდა კიევის უნივერსიტეტის ისტორია-ფილოლოგიის ფაკულტეტზე, ჟენევის უნივერსიტეტში (შვეიცარია). 1902-1903წწ. თავისუფალ მსმენელად ყოფნისას ისმენდა ვ. ი. ლენინისა და გ. პლეხანოვის საჯარო ლექციებს. მოსკოვის უნივერსიტეტის ისტორია-ფილოლოგიის ფაკულტეტის დამთავრების შემდეგ დაბრუნდა სამშობლოში. 1919-მდე მასწავლებლობდა თბილისისა და ქუთაისის გიმნაზიებში. კითხულობდა ლექციებს სახელმწიფო უნივერსიტეტებში. მოღვაწეობდა ქართველთა შორის წერა-კითხვის გამავრცელებელ საზოგადოებასა და საქართველოს საისტორიო-საეთნოგრაფიო საზოგადოებაში. პროგრესულ ქართულ ჟურნალ-გაზეთებში. 1919 წელს მიიწვიეს თბილისის უნივერსიტეტში. 1936-იდან გარდაცვალებამდე იყო შუა საუკუნეების ისტორიის კათედრის გამგე. ეკუთვნის ორმოცამდე ნაშრომი-მონოგრაფია. მეცნიერული ნარკვევი და კრიტიკული სტატია. მისი მეცნიერული კვლევის სფეროში შედიოდა როგორც ძველი, ისე შუა და ახალი ისტორიის საკითხები. ჩაუყარა საფუძველი ისტორიოგრაფიაში დასავლეთ ევროპის ფეოდალიზმის გენეზისის მეცნიერებათა შესწავლას. მან, ქართველ ისტორიკოსთაგან პირველმა დაიწყო ისტორიის კვლევა მარქსისტული მსოფლმხედველობის პოზიციებიდან. საფუძველი ჩაუყარა თბილისის უნივერსიტეტში ისტორიის სწავლების მეთოდიკის სალექციო კურსს. შექმნა შუა საუკუნეების ისტორიის პირველი ქართული სახელმძღვანელო "შუა საუკუნეები". მსოფლიო ისტორიის დარგების ერთ-ერთი ფუძემდებელი და საბჭოთა მედიევისტიკის პირველი წარმომადგენელი საქართველოში, პროფესორი (1926). ცნობილი ქართველი ფსიქოლოგის რევაზ ნათაძის მამა.

წაყარო: ქართული საბჭოთა ენციკლოპედია: ტ. 7-თბ., 1984.-გვ.297; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.77

• 1941 - საქართველოს მეცნიერებათა დამსახურებული მოღვაწე

• დასავლეთ ევროპის ფეოდალიზმის ისტორია : სახელმძღვანელო უმაღლეს სასწავლებლებისათვის (ავტორი). - ტფილისი, სახელგამის სასწ. პედაგოგ. სექტორის გა-მა, 1933. - 158გვ.
• უძველეს საბერძნეთის ეკონომიური მდგომარეობა როგორც კილონის აჯანყების საფუძველი : სადოქტორო დისერტაცია შედგენილი სხვადასხვა გამოცემებიდან ამოკრეფილ წერილებისაგან (ავტორი). - ტფილისი, სახელმწიფო უნივერსიტეტის ლითოგრაფია, 1924. - 117გვ.
• პირველყოფილი კულტურა : პირველი კლასის კურსი. სურათებით. (ავტორი). - თბილისი, ნორჩი საქართველო-ს გამოცემა N 3სახელმწიფო სტ., 1920. - 118გვ.
• ინგლისის მოკლე ისტორია : ქართველთა შორის წერა-კითხვის გამავრცელებელი საზოგადოების გამოცემა N172 (ავტორი). - ტფილისი, სახელმწიფო სტ., 1919. - 115გვ.