ოთარ ვეზირიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1961 წელს.

მუშაობა დაიწყო საქართველოს მეცნიერებათა აკადემიის ენერგეტიკის სამეცნიერო-კვლევით ინსტიტუტში. 1978 წლიდან ეწევა პედაგოგიურ საქმიანობას საქართველოს ტექნიკურ უნივერსიტეტში. ხელმძღვანელობს საბუნებისმეტყველო მეცნიერებათა ევროპული აკადემიის საქართველოს ფილიალს. მისი სამეცნიერო კვლევის სფეროა ენერგოდამზოგავი პროგრესული ტექნოლოგიების დამუშავება, განახლებადი ენერგორესურსების ეფექტური გამოყენებისათვის დანადგარების შექმნა და ეკოლოგიური სისტემის დაცვის კომპლექსური სქემების დანერგვა. გამოქვეყნებული აქვს 18 მონოგრაფია და 9 სახელმძღვანელო. არის 7 გამოგონების ავტორი. 1974 წელს ოთარ ვეზირიშვილმა ვ. გომელაურთან ერთად შექმნა საბჭოთა კავშირში პირველი თბური ტუმბო, რომელიც დაინერგა სამტრედიის ჩაის ფაბრიკაში. საქართველოს ტექნიკური უნივერსიტეტის თბოენერგეტიკული დანადგარების სასწავლო-სამეცნიერო მიმართულების ხელმძღვანელი. 200-დე სამეცნიერო ნაშრომის ავტორი. 18 მონოგრაფიისა და 7 გამოგონების ავტორი. მისი ხელმძღვანელობით დაცულია 9 საკანდიდატო და სადოქტორო დისერტაცია. ტექნიკის მეცნიერებათა დოქტორი (1985), პროფესორი (1987), ენერგეტიკოსი.

წყარო: საქართველო: ენციკლოპედია: ტ.III.–თბ., 2014.-გვ.236; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 127-128

• საერთაშორისო ენერგეტიკული ასოციაცია, წევრი
• საქართველოს ენერგეტიკის აკადემია, ნამდვილი წევრი
• საქართველოს ინჟინერ-ენერგეტიკოსთა ასოციაციია, პრეზიდენტი

• 1989 - საქართველოს დამსახურებული გამომგონებელი

• სათბობ-ენერგეტიკული კომპლექსის საფუძვლები : დამხმ. სახელმძღვ. (ავტორი). - თბილისი, სტუ-ს სტ., 2005. - 51გვ.
• სამრეწველო თბომასაგადაცემის პროცესები და დანადგარები : დამხმ. სახელმძღვ. (ავტორი). - თბილისი, სტუ-ს სტ., 1990. - 92გვ.
• სამრეწველო თბომასაგადაცემის პროცესები და დანადგარები : ლექციების კურსი (ავტორი). - თბილისი, 1987. - 37გვ.
• სითბოს სატრანსფორმაციო და მაცივარი დანადგარების თბური გაანგარიშების მეთოდიკა : მეთოდ. მით. სანიმუშო გაანგარიშებები საკურსო და სადიპლომო გეგმარებისათვის / თბოენერგეტიკული დანადგარების კათედრა (ავტორი). - თბილისი, 1979. - 72გვ.