ვალენტინა სტეშენკო-კუფტინა

დაბადების ადგილი: სოფელი ლებედინა, უკრაინა.

დაამთავრა ქ. კიევის კონსერვატორია 1923 წელს(საფორტეპიანო).

1924-1930წწ. მართავდა კონცერტებს კიევში, მოსკოვსა და ლენინგრადში; 1925-1935წწ. იყო ქ. კიევის კონსერვატორიის პედაგოგი; 1928 წლიდან იკვლევდა მუსიკალურ ფოლკლორს(შორეულ აღმოსავლეთში, ჩრდილოეთ ოსეთსა და საქართველოში); 1934-1935წწ. თბილისის კონსერვატორიის პედაგოგი(ფორტეპიანო, კამერული ანსამბლი, პიანიზმის ისტორია), 1942 წლიდან პროფესორი, 1947-1950წწ. საფორტეპიანო კათედრის გამგე; კონცერტებს მართავდა საქართველოს ქალაქებში; იკვლევდა ქართულ ხალხურ საკრავიერ მუსიკას; ავტორია უძველეს საკრავ სოინარზე დაწერილი პირველი კაპიტალური მეცნიერული ნაშრომისა; ემეგობრებოდა ქართველ ხელოვნების მოღვაწეებს: ე. ახვლედიანს, ქ. მაღალაშვილს, აგრეთვე ჰ. ნეიჰაუზს, ს. რიხტერს; მის გარდაცვალებას თბილისში კონცერტი მიუძღვნა ს. რიხტერმა; იყო ცნობილი მეცნიერის, ქართული კულტურის მოამაგის, ბ. კუფტინის მეუღლე; საქართველოში მოღვაწე რუსი პიანისტი, მუსიკისმცოდნე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 438