ნიკოლოზ ზაგიუ

დაბადების ადგილი: ქ. თბილისი.

დაამთავრა თბილისის სამხედრო გიმნაზია, 1884 წელს კონსტანტინეს მე-2 სამხედრო სასწავლებელი და 1892 წელს გენერალური შტაბის ნიკოლოზის აკადემია სანქტ-პეტერბურგში (I თანრიგით).

ჯარში მსახურობდა 1882 წლიდან-კავკასიის I მსროლელ ბატალიონში. მონაწილეობდა რუსეთის არმიის ლაშქრობაში შუა აზიაში. 1902–1905 წლებში იყო კავკასიის გრენადერთა დივიზიის შტაბის უფროსი, 1905–1917 წლებში თბილისის სამხედრო სასწავლებლის უფროსი. 1910 წელს მიენიჭა გენერალ-მაიორის წოდება. 1917–1922 წლებში სამხრეთ რუსეთში იყო თეთრი მოძრაობის მონაწილე. რუსეთის არმიის გენერალ-ლეიტენანტი (1917). მიღებული აქვს სპარსეთის ლომისა და მზის I ხარისხის ორდენი. გენერალ მიხეილ ზაგიუს უფროსი ძმა. დედა ქართველი ჰყავდა (ყარანგოზიშვილი). გარდაცვალების თარიღი უცნობია.

წყარო: საქართველო: ენციკლოპედია: ტ.III.–თბ., 2014.-გვ.297

• წმინდა სტანისლავის ორდენი
• წმინდა ვლადიმირის ორდენი
• წმინდა ანას ორდენი