აკაკი ზამთარაძე

დაბადების ადგილი: სოფელი ზედა ეწერი, ახლანდელი სამტრედიის მუნიციპალიტეტი.

დაამთავრა სამტრედიის რკინიგზის სახელოსნო სასწავლებელი 1934 წელს, ლენინგრადის მ. ფრუნზეს სახელობის სამხედრო სასწავლებელი 1939 წელს, იქვე-სამხედრო-სატრანსპორტო აკადემია 1954 წელს. II მსოფლიო ომის (1939–1945) დროს მონაწილეობდა ლენინგრადის დაცვაში. 1943–1945 წლებში მეთაურობდა I გვარდიული რკინიგზის სამშენებლო ბრიგადის ასეულს სამხრეთ, სამხრეთ-დასავლეთ უკრაინის III, ბელორუსიის I ფრონტებზე. 1959–1963 წლებში მსახურობდა ამიერკავკასიის სამხედრო ოლქში დივიზიის მეთაურის მოადგილედ. 1963–1976 წლებში იყო საქართველოს პოლიტექნიკური ინსტიტუტის სამხედრო კათედრის უფროსი. მიღებული აქვს საბრძოლო ორდენები და მედლები. გენერალ-მაიორი (1970).

წყარო: საქართველო: ენციკლოპედია: ტ.III.–თბ., 2014.-გვ.305