იოვანე ფუკარალისძე

იოვანე ფუკარალისძე არის ე. წ. ტბეთის მეორე ოთხთავისა და წყართოსთავის სახარების ერთ-ერთი გადამწერი. მოღვაწეობდა სამხრეთ საქართველოში. ოთხთავი გადაწერილია სავარაუდოდ 1161 წელს, გიორგი III -ის  მეფობის პერიოდში, ტბეთის ეპისკოპოსის პავლე მტბევარის დაკვეთით. იოვანე ფუკარალისძეს წიგნის ბოლო ნაწილი, 279-318 ფურცლები, გადაუწერია, რომლებიც ზანდუკს (სარჩევს) შეიცავს. წყაროსთავის სახარება (25,1x17,9 სმ) გადაწერილია 1195 წელს იოანე საფარელ-მტბევარის ბრძანებით. გადაწერაში გიორგი სათაისძეც მონაწილეობდა. წიგნში ჩართული მახარებელთა გამოსახულებები სხვას შეუსრულებია. სახარება ბექა ოპიზარის მიერ მოჭედილ ვერცხლის ყდაშია ჩასმული. ორივე კალიგრაფის ხელი ძალიან ჰგავს ტბეთის ოთხთავის იოვანესეულ ნაწილს და მათი გარჩევა ერთმანეთისაგან ძნელია. სახარების ტექსტი კლასიკური ნუსხურით ორ სვეტადაა გადაწერილი, ზომიერად დახრილი ხელით. ასოები მკაფიოა, ნაწერი-მშვიდი.

წყარო: ქართული საბჭოთა ენციკლოპედია: ტ. 5.- თბ., 1980.- გვ. 195