შოთა ზარდალიშვილი

დაბადების ადგილი: ქ. თბილისი.

დაამთავრა კიევის საარტილერიო სასწავლებელი 1942 წელს. თბილისის ა. პუშკინის სახელობის პედაგოგიური ინსტიტუტი (ახლანდელი ილიას უნივერსიტეტი) დაუსწრებლად 1957 წელს.

1940 წლიდან წითელი არმიის რიგებში მსახურობდა. II მსოფლიო ომის(1939–1945) დროს იბრძოდა სტეპის და უკრაინის II ფრონტებზე; მონაწილეობდა უნგრეთისა და ჩეხოსლოვაკიის განთავისუფლებაში, იყო ასეულის, ბატალიონის მეთაური. 1950 წლიდან მუშაობდა სახელმწიფო უშიშროების კომიტეტში სხვადასხვა საპასუხისმგებლო თანამდებობებზე, 1976–1985 წლებში იყო საქართველოს სსრ სახელმწიფო უშიშროების კომიტეტის თავმჯდომარის მოადგილე. 1985 წელს თადარიგში გავიდა. გენერალ-მაიორი (1977). დაჯილდოებულია 5 ორდენით და 14 მედლით, სახელმწიფო უშიშროების საპატიო თანამშრომელი (1967).

წყარო: საქართველო: ენციკლოპედია: ტ.III.–თბ., 2014.-გვ.311; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.245

• 1995 - ვახტანგ გორგასლის III ხარისხის ორდენი