ივანე სარიშვილი

დაბადების ადგილი: სოფელი ასკანა, ახლანდელი ოზურგეთის მუნიციპალიტეტი.

დაამთავრა საქართველოს სასოფლო-სამეურნეო ინსტიტუტი 1932 წელს.

1937 წლიდან საქართველოს სასოფლო-სამეურნეო ინსტიტუტის ნიადაგთმცოდნეობის კათედრის დოცენტი იყო, ხოლო 1938-1975წწ. აგროქიმიის კათედრის გამგე, 1949-1956წწ. აგრონომიის ფაკულტეტის დეკანი, ხოლო 1956-1974წწ. ამავე ინსტიტუტის რექტორი, 1974 წლიდან სსრკ აგროქიმიის მომსახურების ცენტრალური ინსტიტუტის ამიერკავკასიის ფილიალის დირექტორი. საქართველოში პირველმა შეადგინა აგროქიმიის კარტოგრამა: გამოიკვლია წითელმიწა ნიადაგების თეორიული და პრაქტიკული საკითხები, შეისწავლა საქართველოში ტენიანი სუბტროპიკული ზონის ნიადაგების ბუნება, ნიადაგის მიკროელემენტებით განოყიერება და სხვა. აგროქიმიკოსი, სოფლის მეურნეობის მეცნიერებათა დოქტორი, პროფესორი (1948). მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ.9-თბ., 1985.-გვ.107

• ლენინის სახელობის საკავშირო სასოფლო-სამეურნეო მეცნიერების აკადემია, წევრ-კორესპონდენტი (1972-)
• საქართველოს სსრ IV-IX მოწვევის უმაღლესი საბჭო, დეპუტატი
• სკკპ, წევრი (1940-)

• 1958 - საქართველოს მეცნიერებათა დამსახურებული მოღვაწე
• საპატიო ნიშნის ორდენი
• ლენინის ორდენი