სევერიან მაისაშვილი

დაბადების ადგილი: ქ. თბილისი.

დაამთავრა თბილისის სამხატვრო აკადემია 1931 წელს.

თავდაპირველად გრაფიკის დარგში მუშაობდა, მომდევნო წლებში კი შექმნა ბატალური სურათების მთელი სერია: "გიორგი სააკაძის ბრძოლა სპარსელებთან მარაბდის ველზე"(1941), სასტუმრო "თბილისი"; "ნასაკირალის ბრძოლა"(1958) სოფელ შემოქმედის მხარეთმცოდნეობის მუზეუმი; "კრწანისის ომი"(1958) კინოთეატრი "ბათუმი" თბილისი; "ასპინძის ომი"(1966), ასპინძის კულტურის სახლი და სხვა. განსაკუთრებით აღსანიშნავია მისი მოღვაწეობა მინიატურის ჟანრში. იგი პირველი ქართველი ხელოვანია, რომელმაც ძველი ტრადიციების გათვალისწინებით განავითარა თანამედროვე ქართული მინიატურული ხელოვნება: "იშვიათი ნანადირევი"(1946), "ყურძნის კრეფა გურიაში"(1946), "კალოობა სვანეთში"(1948), "ურმული"(1948) - ყველა საქართველოს ხელოვნების მუზეუმშია დაცული. 1951-1976წწ. შექმნა მინიატურების ციკლი "ძველი თბილისი"(მხატვრის სახელოსნო). იგი წარმატებით მუშაობდა წიგნის გრაფიკის დარგში (სულხან-საბას ორბელიანის იგავ-არაკების ილუსტრაციები, 1937,  საქართველოს ხელოვნების მუზეუმი). მისი ესკიზის მიხედვით შეიქმნა საქართველოს სსრ დროშა (1951). ფერმწერი, მინიატურისტი, გრაფიკოსი. 

წყარო: ქართული საბჭოთა ენციკლოპედია: ტ. 6.-თბ., 1983.-გვ.366;  საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ.465

• 1967 - საქართველოს სახალხო მხატვარი