თემურ ქევხიშვილი

დაბადების ადგილი: სოფელი ახალსოფელი, ყვარლის რაიონი.

დაამთავრა თბილისის კულტსაგანმანათლებლო სასწავლებელი 1958 წელს, ვანო სარაჯიშვილის სახელობის თბილისის სახელმწიფო კონსერვატორია 1966 წელს (გუნდის დირიჟორი).

1961–1976წწ. იყო ანსამბლ "გორდელას" ერთ–ერთი დამაარსებელი და წევრი; წლების მანძილზე ლოტბარი და ხელმძღვანელი: 1966–1970წწ. თბილისის სახელმწიფო უნივერსიტეტის ვაჟთა გუნდი, ანსამბლი "ოროველა", 1980–1985წწ. ანსამბლი "იმედი", 1986 წლიდან თბილისის პიონერთა სასახლის საგუნდო ანსამბლი, ამავე წელს ბიჭუნათა ანსამბლი "დარიალი", ვოკალური ანსამბლი "ჟურნალისტი"; იყო ანსამბლ "რუსთავის" სოლისტი; 1981–1990წწ. საქართველოს ტელერადიო გადაცემების "ქართული ხალხური სიმღერების გაკვეთილები" ავტორი და წამყვანი; ქართული რეპერტუარი: ქართული ხალხური სიმღერები, საგალობლები, ო. თაქთაქიშვილი ორატორია "ნიკოლოზ ბარათაშვილი" (1970, პირველი შესრულება ანსამბლ "გორდელასთან" ერთად), ნ. სვანიძე ორატორია "ფიროსმანი"(1972, პირველი შესრულება ანსამბლ "გორდელასთან" ერთად); გასტროლებით შემოიარა მსოფლიოს მრავალი ქვეყანა; 2013 წლის 11 ივნისს ფონდმა "ქართული გალობა" თემურ ქევხიშვილი "საუკუნის ხმად" აღიარა. ლოტბარი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 487

• 2012 - საქართველოს სახელმწიფო პრემია
• 1991 - ღირსების ორდენი
• 1990 - საქართველოს სახალხო არტისტი
• 1970 - საქართველოს დამსახურებული არტისტი
• 1969 - საქართველოს კომკავშირის პრემია
• 1969 - მსოფლიო ახალგაზრდობის ფესტივალი, ლაურეატი ანსამბლ "გორდელასთან" ერთად (სოფია)