სპირიდონ სიმონოვიჩი

დაბადების ადგილი: ქ. თბილისი.

დაამთავრა ციურიხის უნივერსიტეტი 1871 წელს.

1865-1870წწ. იყო პეტერბურგის უნივერსიტეტის ფიზიკა-მათემატიკის ფაკულტეტის საბუნებისმეტყველო განყოფილების თავისუფალი მსმენელი. ერთხანს სწავლობდა ბონის უნივერსიტეტში.

1872 წლიდან მუშაობდა კავკასიის სამთო სამმართველოს გეოლოგიის განყოფილებაში გეოლოგად. თვალსაჩინო როლი შეასრულა კავკასიის გეოლოგიური აგებულებისა და სასარგებლო წიაღისეულის კვლევის საქმეში. მისი სამეცნიერო შრომები შეეხება კავკასიონის სამხრეთ კალთის ნაოჭა სისტემის, საქართველოსა და ართვინ-ბოლნისის ბელტებისა და თრიალეთის რეგიონული გეოლოგიური მეზო-კაინოზოური ნალექების სტრატიგრაფიისა და პალეონტოლოგიის საკითხებს. შეისწავლა ჭიათურის მანგანუმის, ტყიბულის ქვანახშირის და აფშერონის ნახევარ კუნძულის ნავთობის საბადოები. 

წყარო: ქართული საბჭოთა ენციკლოპედია: ტ.9-თბ., 1985.-გვ.354