გრიგოლ სისოიანი

დაბადების ადგილი: ქ. სიღნაღი.

დაამთავრა მოსკოვის ენერგეტიკის ინსტიტუტი 1931 წელს.

1932 წლიდან - ამიერკავკასიის ენერგეტიკის ინსტიტუტის კათედრის გამგე; შემდგომ კი გარდაცვალებამდე - ვ. ი. ლენინის სახელობის საქართველოს პოლიტექნიკური ინსტიტუტის ზოგადი ელექტროტექნიკური კათედრის პროფესორი. მისი სამეცნიერო შრომები ეხება ფეროშენადნობთა და კარბიდის მისაღები ელექტრული ღუმელების მუშაობის გამოკვლევას, მძლავრ მადანთერმულ ღუმელებში მიმდინარე ელექტრული მოვლენების შესწავლას, ჩაის დუყის ფიზიკური თვისებების გაზომვის ელექტრული და ფოტოელექტრული მეთოდების დამუშავებას. ტექნიკურ მეცნიერებათა დოქტორი (1947), პროფესორი (1948). მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ.9-თბ., 1985.-გვ.389; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.305-306

• 1962 - საქართველოს მეცნიერებისა და ტექნიკის დამსახურებული მოღვაწე
• საპატიო ნიშნის ორდენი

• Применение каменного угля при выплавке ферросилиция (ავტორი). - Тбилиси, "Заря Востока", 1947. - 123с.