ვასილ ყორღანოვი

დაბადების ადგილი: ქ. თბილისი.

დაამთავრა ქ. პეტერბურგის სამხედრო–საინჟინრო სასწავლებელი 1880 წელს.

მუსიკას სწავლობდა ქ. თბილისში, პედაგოგები ე. ფ. ეპშტეინი(ფორტეპიანო), ი. მ. ალიხანოვი(მუსიკის თეორიული საგნები); ეწეოდა საკონცერტო მოღვაწეობას; სასწავლებლის დამთავრების შემდეგ მუშაობდა ქ. სარიქამიშში; 1888–1891წწ. ცხოვრობდა თბილისში, ეწეოდა აქტიურ საზოგადოებრივ–პუბლიცისტურ მოღვაწეობას; როგორც ჟურნალისტი, მუსიკის კრიტიკოსი, აქვეყნებდა რეცენზიებს პერიოდულ პრესაში(ჟურნალები: "Баян", "Нувелист", "Русская музыкальная газета", "Артист"); 1890–იან წლებში იმოგზაურა ევროპაში; 1891–1901წწ. იყო РМО–ს დირექციის აქტიური წევრი; 1900 წელს დააარსა ამიერკავკასიაში პირველი სამეცნიერო–ლიტერატურული ჟურნალი "Кавказский вестник", სადაც ეწეოდა კავკასიის ხალხთა კულტურის პროპაგანდას; 1902–1904წწ. ცხოვრობდა ბერლინში, სადაც ისმენდა მუსიკის ისტორიის ლექციებს, მუშაობდა საერთაშორისო მუსიკალურ საზოგადოებაში; გამოდიოდა მოხსენებებით კავკასიის ხალხთა მუსიკის შესახებ; 1904–1925წწ. ცხოვრობდა თბილისში, სადაც განაგრძობდა აქტიურ მუსიკალურ–საზოგადოებრივ მოღვაწეობას; საქართველოს გასაბჭოების შემდეგ ცხოვრობდა და მოღვაწეობდა ქ. ერევანში; 1925–1930წწ. იყო ერევნის საჯარო ბიბლიოთეკის დირექტორის მოადგილე და სომხეთის მუსიკალური გამომცემლობის თავმჯდომარე, კონსერვატორიის პროფესორ–კონსულტანტი; სომხეთის მუსმცოდნეობის ფუძემდებელთაგანი; რუსი, წარმოშობით სომეხი მუსიკისმცოდნე, საზოგადო მოღვაწე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 508

• 1934 - სომხეთის ხელოვნების დამსახურებული მოღვაწე