აკაკი სიხარულიძე

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1982 წელს.

მუშაობდა საქართველოს ახალგაზრდული ორგანიზაციების ცენტრალურ აპარატში - ხელმძღვანელობდა ახალგაზრდული და საყმაწვილო ჟურნალ-გაზეთების, ტელერადიოგადაცემათა რედაქციების სექტორს; 1987 წლიდან ჟურნალისტთა ფედერაციაშია (ყოფილი კავშირი); რედაქტორობდა გაზეთ "საქმეს"; 1994 წელს გამოსცა აფხაზეთსა და შიდა ქართლში დაღუპულთა ხსოვნისადმი მიძღვნილი წიგნი "უკვდავება"; 1993 წელს ჩამოაყალიბა ეროვნული თანხმობის დარბაზი; 1997 წელს საფუძველი ჩაუყარა ქართული ჟურნალისტიკის დღის (21 მარტი) აღნიშვნის ტრადიციას; არის ჟურნალების "ჟურნალისტისა" და "მომხმარებლის არჩევანის" ერთ-ერთი დამფუძნებელი; საერთაშორისო ჟურნალისტიკის, სამართლისა და ბიზნესის ინსტიტუტის დამაარსებელი, მისი რექტორი; 2013 წელს დაინიშნა საქართველოს კომუნიკაციების ეროვნული კომისიის თავმჯდომარის მოვალეობის შემსრულებლად; ეწევა საზოგადოებრივ საქმიანობას.

წყარო: თბილისი: ენციკლოპედია.- თბ., 2002. - გვ.833; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.397

• ჟურნალისტთა კავშირების საერთაშორისო კონფედერაცია, ვიცე-პრეზიდენტი (1997-)
• ჟურნალისტთა საერთაშორისო ფედერაცია, წევრი (1990-)
• საქართველოს ჟურნალისტთა ფედერაცია , თავმჯდომარე (1992-)

• 1998 - ღირსების ორდენი
  ქართული ჟურნალისტიკის განვითარებაში, აქტუალური, ცხოვრებისეული თემების მაღალკვალიფიციურ დონეზე წარმოჩენაში, აქტიური, შემოქმედებითი მოღვაწეობისა და ახალგაზრდა პროფესიული კადრების მომზადებაში შეტანილი პირადი წვლილისათვის