შოთა ჩაკვეტაძე

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1966 წელს(ვოკალური).

1966 წლიდან ზ. ფალიაშვილის სახელობის თბილისის ოპერისა და ბალეტის თეატრის სოლისტი(ბანი); თავისი ცხოვრების საუკეთესო მონაკვეთის თორმეტი წელი გაატარა მარტყოფში; მის სახელს უკავშირდება მარტყოფში მუსიკალური სკოლის დაარსება და ამავე სკოლის ხელმძღვანელობა თერთმეტი წლის მანძილზე; მარტყოფში შეიქმნა მისი ცნობილი ორატორია "ქართლის სურათები"; 2003 წელს გამოვიდა მისი არაჩვეულებრივი წიგნი "მოგონებათა კრიალოსანი", სადაც დიდი სიყვარულით საუბრობს მარტყოფზე, ეს წიგნი დიდად შეუწყობს ხელს ჩვენი ახალგაზრდობის ზნეობრივ დახვეწას, ქართული, რაინდული, ვაჟკაცური მენტალიტეტის ჩამოყალიბებას; ქართული რეპერტუარი: მღვდელმთავარი, მეორე მთქმელი(დ. არაყიშვილი "თქმულება შოთა რუსთაველზე", 1966, კონსერვატორიის საოპერო სტუდია), ცანგალა(ზ. ფალიაშვილი "დაისი", "აბესალომ და ეთერი"), მთხრობელი(ბ. კვერნაძე " იყო მერვესა წელსა"); სხვა რეპერტუარი: ფარაონი, ექიმი(ვერდი "აიდა", "ტრავიატა"), მაზეტო(მოცარტი "დონ ჟუანი"), ცუნიგა(ბიზე "კარმენი"), პიმენი(მუსორგსკი "ბორის გოდუნოვი"); გადაღებულია ფილმებში: "ბზიანეთი"(1968), "მოცურავე"(1981).

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 527; facebook.com

• მოგონებათა კრიალოსანი (ავტორი). - თბილისი, ს/ს "პირველი სტამბა", 2003. - 143გვ.