კორნელი ტატიშჩევი

ქალაქში გამოჩნდა 1880-იან წლებში; მუშაობდა სხვადასხვა თანამდებობაზე; იყო თბილისის სახაზინო თეატრის არქიტექტორი; 900-იანი წწ. დასაწყისში - არქიტექტურისა და ხატვის მასწავლებელი თბილისის სამხატვრო სასწავლებელში; გარდა მრავალი კერძო საცხოვრებელი სახლისა, მას ეკუთვნის სხვადასხვა საზოგადო და სახაზინო შენობის პროექტებიც; 1894 წელს შეადგინა ქართველთა შორის წერა-კითხვის გამავრცელებელი საზოგადოების მუზეუმის პროექტი, ქართული ისტორიული არქიტექტურის დეკორატიული ელემენტების გამოყენებით ახ. მშენებლობაში (პროექტი უძღვნა ნ. ცხვედაძეს და შესწირა წერა-კითხვის გამავრცელებელ საზოგადოებას; არ განხორციელებულა), ა. შიმკევიჩთან ერთად დააპროექტა და ააგო "საარტისტო საზოგადოების" - ახლანდელი რუსთაველის თეატრის შენობა (1901); 1910 წელს შეადგინა კავკასიის მუზეუმის შენობის "ულტრა ისლამური სტილის" პროექტი (შემდეგ მშენებლობა განხორციელდა სხვა პროექტით); იგი ამპირული არქიტექტურის მოტივებთან ერთად ფასადებისათვის ბაროკოსა და როკოკოს მოტივებსაც იყენებდა; ნამუშევრები: თავისი საკუთარი სახლი (1897; ლ. ასათიანის 18), სახლი შოთა რუსთაველის პროსპექტისა და ა. ჭავჭავაძის ქუჩის კუთხეში (1898), ბაგრატიონ-მუხრანბატონის სახლი (1899; ლ. გუდიაშვილის 9); XIX საუკუნის თბილისის თვალსაჩინო არქიტექტორი.

წყარო: თბილისი: ენციკლოპედია.- თბ., 2002. - გვ.853