გიული ჩოხელი

 დაბადების ადგილი: ქ. თბილისი.

დაამთავრა თბილისის "ნიჭიერთა ათწლედი" 1952 წელს.

1952 წლიდან იყო თბილისის ფილარმონიის ვოკალურ–ინსტრუმენტული ტრიოს წევრი; 1955 წლიდან საქართველოს სახელმწიფო საესტრადო ორკესტრის სოლისტი; 1959–1960წწ. ო. ლუნდსტრემის საესტრადო ორკესტრის სოლისტი; 1961 წლიდან გამოდიოდა სოლო კონცერტებით ინსტრუმენტულ ანსამბლ "Веселые тромбоны" და ჯაზ–ორკესტრ "ჩანგთან" ერთად; საბჭოთა კავშირის პერიოდში ერთ–ერთი წამყვანი ჯაზის მომღერალი; რ. ლაღიძის სიმღერის "თბილისო" ერთ–ერთი პირველი შემსრულებელი; რეპერტუარი: ქართველი კომპოზიტორების მრავალი საესტრადო სიმღერა, აგრეთვე მ. ტარივერდიევის "მუსიკა", კაჟლაევის "ყვითელი ფოთლები"–ს პირველი შემსრულებელი; გასტროლები: სსრკ, ევროპის სოციალისტური ქვეყნები; გადაღებულია დოკუმენტურ კინოფილმში "მღერის გიული ჩოხელი" (1980). არის სოპოტის საესტრადო სიმღერის ფესტივალის გამარჯვებული (1967), ტალინის საერთაშორისო ჯაზური ფესტივალის I პრემიის (1967), პრაღის საერთაშორისო ჯაზური ფესტივალის I პრემიისა და მოსკოვის საერთაშორისო ჯაზური ფესტივალის I პრემიის მფლობელი. მუსიკალური კომედიის თეატრის მომღერლის ე. ჩოხელის ქალიშვილი; 2015 წელს გაიხსნა მისი ვარსკვლავი თბილისის საკონცერტო დარბაზის წინ; საესტრადო, ჯაზის მომღერალი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 537

• 2018 - თბილისის საპატიო მოქალაქე
• 1967 - საქართველოს დამსახურებული არტისტი