The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუქის გვერდზე



იაშა მესხია

იაშა მესხია
ოფიციალური სახელი:იაკობ მესხია
დაბადების თარიღი:დეკემბერი, 1946
გარდაცვ. თარიღი:2016  (69 წლის ასაკში)
კატეგორია:ეკონომისტი, ინჟინერი, მეცნიერი, პედაგოგი

ბიოგრაფია

დაბადების ადგილი: სოფელი ობუჯი, წალენჯიხის რაიონი.

დაამთარა ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი 1967 წელს.

1972-1985წწ. მუშაობდა საქართველოს სახელმწიფო საგეგმო კომიტეტთან არსებული ეკონომიკის, დაგეგმვისა და მართვის სამეცნიერო-კვლევით ინსტიტუტში; 1985-1990წწ. იყო სსრკ სტატსახკომის აღრისხვისა და სტატისტიკის დარგთაშორისი ინსტიტუტის საქართველოს ფილიალის, 1990 წელს - კადრების კვალიფიკაციის ამაღლებისა და გადამზადების რესპუბლიკის ეკონომიკის ინსტიტუტის, 1991 წელს - საქართველოს ეკონომიკისა და ფინანსთა სამინისტროსთან არსებული ეკონომიკის და ფინანსების სამეცნიერო-კვლევითი ინსტიტუტის დირექტორი; 1992 წლიდან კი მისი ინიციატივით დაარსებული ფინანსებისა და სტატისტიკის სამეცნიერო-კვლევითი ინსტიტუტის (რომელიც 1996 წლიდან გარდაიქმნა საქართველოს ფინანსთა სამინისტროსთან არსებულ ფინანსთა სამეცნიერო-კვლევით ინსტიტუტად) დირექტორი. 2004-2005 წწ. ჟურნალ "გადასახადების", მთავარი რედაქტორი; 2005-2006 წწ. საქართველოს კონტროლის პალატის თავმჯდომარის პირველი მოადგილე; 2006-2007 წწ. საქართველოს კონტროლის პალატის თავმჯდომარის მოვალეობის შემსრულებელი; თბილისის საფინანსო-ეკონომიკური აკადემიის რექტორი, ქუთაისის აკაკი წერეთლის სახელობის სახელმწიფო უნივერსიტეტის კათედრის გამგე. ინჟინერ-ეკონომისტი, ეკონომიკის მეცნიერებათა დოქტორი (1983), პროფესორი (1987).

წყარო: თბილისი: ენციკლოპედია.- თბ., 2002. - გვ.872; iverioni.com.geსაქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.188

ორგანიზაციის, ასოციაციის ან ჯგუფის წევრი

  • ეგრისის სამეცნიერო აკადემია, წევრი (1996-)
  • ნიუ-იორკის მეცნიერებათა აკადემია, წევრი (1997-)
  • საქართველოს ეკონომიური მეცნიერების აკადემია, ერთ-ერთი დამაარსებელი, ვიცე-პრეზიდენტი (1995-)

ჯილდოები, პრემიები და პრიზები

  • 2004 - საქართველოს სახელმწიფო პრემია , მეცნიერებისა და ტექნიკის დარგში (ერთობლივი გამარჯვება)
    ჰუმანიტარულ მეცნიერებათა დარგში შესრულებულ შრომათა ციკლისათვის - '' მაკროეკონომიკური რეგულირების მეთოდები და მოდელები''.
  • 1976 - საქართველოს კომკავშირის პრემია

ბიბლიოგრაფია


გააზიარე: