სერგო მეგრელიშვილი

დაბადების ადგილი: სოფელი ფარცხმა, ჩოხატაურის რაიონი. 

რევოლუციურ მოღვაწეობაში 1902 წლიდან ჩაება. მონაწილეობდა 1905-1907წწ. შეიარაღებულ გამოსვლებში გურიაში. რეაქციის წლებში არალეგალურ პარტიულ მუშაობას განაგრძობდა აფხაზეთსა და გურიაში. 1918 წელს აირჩიეს თბილისის ბოლშევიკური ორგანიზაციის პირველი რაიკომის წევრად. 1918-1920წწ. მენშევიკურმა მთავრობამ რამდენჯერმე დააპატიმრა. 1920 წლის მაისში, საპატიმროდან გათავისუფლების შემდეგ, მუშაობდა თიანეთის მაზრაში პარტიის პასუხისმგებელ ორგანიზატორად. აქ იგი კვლავ დააპატიმრეს და გადაასახლეს საბჭოთა აზერბაიჯანში, სადაც მუშაობდა პარტიის განჯის სამაზრო კომიტეტის მდივნად. საქართველოში საბჭოთა ხელისუფლების გამარჯვების შემდეგ სხვადასხვა საპასუხისმგებლო პოსტზე იყო. რევოლუციური მოძრაობის მონაწილე საქართველოში.

წყარო: ქართული საბჭოთა ენციკლოპედია: ტ. 6.-თბ., 1983.-გვ.536 

• სკკპ , წევრი (1905-)