იაკობ მედვედევი

მუშაობდა თბილისში რუსეთის იმპერიის მიწათმოქმედების სამინისტროს დეპარტამენტში ჯერ მეტყევედ (1867), შემდეგ კი (1890) მის რწმუნებულად ამიერკავკასიაში. მისი ძირითადი შრომები ეხება კავკასიის დენდროფლორას, მის ბოტანიკურ გეოგრაფიულ დარაიონებას, ფლორისა და მცენარეულობის ისტორიას. თავის მონოგრაფიაში "კავკასიის ხეები და ბუჩქები"(1883) აღწერა 370-მდე სახეობა და მოგვცა მათი მორფოლოგიურ - სისტემატური და ეკოლოგიური დახასიათება, გავრცელება და სამეურნეო გამოყენების შესაძლებლობა. განსაკუთრებულ ყურადღებას აქცევდა ტყეების მოწყობას ბორჯომის ხეობაში. აქვე საფუძველი ჩაუყარა ტყის ჯიშების გამოცდას კულტურაში. დააარსა (1895) თბილისის ბოტანიკური ბაღის სამეცნიერო პერიოდული ორგანო  "თბილისის ბოტანიკური ბაღის შრომები", მისი პირადი ბიბლიოთეკა და კავკასიაში მოპოვებული მდიდარი ბოტანიკური და მინერალოგიური კოლექცია დაცულია თბილისის სახელმწიფო უნივერსიტეტში, ნუმიზმატიკური კოლექცია - საქართველოს სახელმწიფო მუზეუმში. იგი იყო მრავალი სამეცნიერო საზოგადოების წევრი. რუსი მეტყევე-დენდროლოგი და ბოტანიკოს-გეოგრაფი.

წყარო: ქართული საბჭოთა ენციკლოპედია: ტ. 6.-თბ., 1983.-გვ.537; საქართველო: ენციკლოპედია: ტ.5. -თბ.,2023. -გვ.656

• Опыт исследования гущины леса (ავტორი). - Санкт-Петербург , Спб, 1910. - 72с.
• Справочная записка по вопросу об основаниях поземельного устройства государственных крестьян Закавказских губерний (ავტორი). - 1897. - 143с.
• Очерки Закавказских лесов (ავტორი). - 32с.