
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

მანანა თანდაშვილი

Date of birth:	22 May, 1960 (63 years)
Category:	Linguist, Scientist, Educator

Biography

დაამთავრა თბილისის სახელმწიფო უნივერსიტეტში ფილოლოგიის ფაკულტეტზე კავკასიოლოგიის განხრით 1983 წელს.

1993 წლიდან - არნოლდ ჩიქობავას სახელობის ენათმეცნიერების ინსტიტუტის მეცნიერ-თანამშრომელი; 1995 წლიდან - კომპიუტერული ლინგვისტიკის ლაბორატორიის ხელმძღვანელი; 1999 წელს გახდა ალექსანდრე ფონ ჰუმბოლდტის სტიპენდიატი ენათმეცნიერების დარგში და ორი წლის განმავლობაში მუშაობდა გერმანელ კავკასიოლოგებთან ვოლფგანგ შულცესა და იოსტ გიპერტთან ერთად უდიური სახარების ელექტრონული ვერსიის შექმნაზე და ტექსტის გრამატიკის საკითხებზე; 2002 წლიდან - ფრანკფურტის გოეთეს სახელობის უნივერსიტეტის მუდმივი შტატის პროფესორი. გერმანიაში მოღვაწეობის პარალელურად აგრძელებს პედაგოგიურ მოღვაწეობას საქართველოში; მჭიდრო ურთიერთობა აკავშირებს ბათუმის შოთა რუსთაველის სახელობის სახელმწიფო უნივერსიტეტთან; ბათუმისა და ფრანკფურტის უნივერსიტეტებს შორის დადებული ურთიერთთანამშრომლობის მემორანდუმის ფარგლებში დააარსა ბათუმის საზაფხულო სკოლა დიგიტალურ ჰუმანიტარიაში. აქტიურად თანამშრომლობს სამეცნიერო ფონდებთან (ალექსანდრე ფონ ჰუმბოლდტის ფონდი, ფოლკსვაგენის ფონდი, შოთა რუსთაველის ეროვნული სამეცნიერო ფონდი); 2009 წლიდან - საერთაშორისო სამეცნიერო ფონდების ექსპერტი კავკასიოლოგიის დარგში. გერმანიაში მცხოვრები ქართველი ენათმეცნიერი და საზოგადო მოღვაწე, მრავალი სამეცნიერო და კულტურული საზოგადოების შექმნის ინიციატორი და ხელმძღვანელი. ფილოლოგიის მეცნიერებათა დოქტორი (1999), პროფესორი.

საკანდიდატო დისერტაციის თემა - "კახურის მორფონოლოგიური ანალიზი", დაიცვა 1993 წელს; სადოქტორი დისერტაციის თემა - "კომპიუტერული მოდელირების ძირითადი პრინციპები (ქართული და უდიური ენების მაგალითზე)", დაიცვა 1999 წელს.

წყარო: საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ. 466; დიგიტალური ქართველოლოგა: tandaschwili.com

Awards and Honors

2011 - თბილისის საპატიო მოქალაქე
ქართულ-გერმანული სამეცნიერო და კულტურული თანამშრომლობის სფეროში გაწეული ღვაწლისათვის

Bibliography

შესავალი დიგიტალურ ქართველოლოგიაში (Co-Author). - თბილისი, ივერიონი, 2021. - 262გვ. . - ISBN: 9789941831553
ზმნის კონცეპტუალური მოდელირებისათვის ქართულში : ქართული ზმნის ფრეიმული მოდელი (Author). - თბილისი, ივერიონი, 2020. - 128გვ.. - ISBN: 9789941828539
ქართული პოლიტიკური ზეპირმეტყველების დისკურსი : პოლიტიკური ტექსტების ქრესტომათია : 2 ტომად (Co-Author) // ტომი 1. - თბილისი, ივერიონი, 2020. - 390გვ. . - ISBN: 9789941828553
ჟუჟა : რომანი/ნინო ხარატიშვილი (Translator). - თბილისი, ინტელექტი, 2018. - 352გვ.. - ISBN: 9789941470950
ენის დიგიტალური დოკუმენტირება : შესავალი დოკულინგვისტიკაში (Author). - თბილისი, ბათუმის შოთა რუსთაველის სახელმწ. უნ-ტი, 2016. - 218გვ. . - ISBN: 9789941462344
ქართული ენის ფუნქციური გრამატიკის საფუძვლები : მონოგრაფია (Author). - თბილისი, ბათუმის შოთა რუსთაველის სახელმწ. უნ-ტი, 2016. - 240გვ. . - ISBN: 9789941462368
კორპუსლინგვისტიკა : გლოსარიუმი და რეგისტრი = Manuel of Corpus Linguistics : დიგიტალური ჰუმანიტარია – ქართველოლოგია და XXI საუკუნის გამოწვევები (Co-Author). - Frankfurt, Frankfurt University Press, 2014. - 128გვ.