მარინე ჯაში

დაბადების ადგილი: ქ. თბილისი.

დაამთავრა თბილისის ივანე ჯავახიშვილის სახელობის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტის გერმანული ენის განყოფილება 1972 წელს.

1971-1972წწ. იმყოფებოდა გერმანიის ქალაქ იენის ფრიდრიხ შილერის სახელობის უნივერსიტეტში სადიპლომო პრაქტიკაზე. უნივერსიტეტის წარჩინებით დამთავრების შემდეგ 1972–1988 წწ. მუშაობდა ილია ჭავჭავაძის სახელობის სახელმწიფო პედაგოგიური ინსტიტუტის რომანულ–გერმანიკული ფილოლოგიის კათედრაზე უფროს ლაბორანტად. 1984–1987 წწ. იყო ივანე ჯავახიშვილის სახელობის სახელმწიფო უნივერსიტეტის გერმანული ფილოლოგიის კათედრის დაუსწრებელი სწავლების ასპირანტი, სადაც მან 1990 წელს დაიცვა საკანდიდატო დისერტაცია გრიფით ენის თეორია და გერმანიკული ენები. 1988–2005 წწ. ი. ჭავჭავაძის სახ. ენისა და კულტურის სახელმწიფო უნივერსიტეტის გერმანული ენის კათედრისა და სინქრონული თარგმნის განყოფილების პედაგოგი, დოცენტი. 2006-2013 წწ. ილიას სახელმწიფო უნივერსიტეტის გერმანისტიკის მიმართულების ასისტენტ–პროფესორი, ხოლო 2013 წლიდან ამავე უნივერსიტეტის ასოცირებული პროფესორი. 1988 წლიდან არის სინქრონისტი თარჯიმანი. მას მონაწილეობა აქვს მიღებული სხვადასხვა კონფერენციებში, სიმპოზიუმებსა და სემინარებში როგორც თარჯიმანს ისეთ სფეროებში, როგორიცაა პოლიტიკა, ეკონომიკა, იურისპრუდენცია, მედიცინა, არქიტექტურა. არის 35 ნაშრომის ავტორი, მათ შორის 5 ტერმინოლოგიური ლექსიკონის თანაავტორი, 2 წიგნის ავტორი, 3 წიგნის რეცენზენტი და 5 წიგნის რედაქტორი. გერმანისტი.

• VDS (Verein Deutsche Sprache) ორგანიზაცია, წევრი
• აკადემიური გაცვლითი სამსახურის DAAD-ის ყოფილ სტიპენდიანტთა საქართველოს კავშირი, წევრი

• აკადემიური გაცვლითი სამსახურის (DAAD) ორგანიზაციის საპატიო სამკერდე ნიშანი
• აკადემიური გაცვლითი სამსახურის (DAAD) ხუთგზის სტიპენდიანტი

• გერმანული და ქართული გენდერული ანდაზები ინტერკულტურულ ჭრილში = Deutsche und georgische Gender-Sprichworter im interkulturellen Aspekt (რედაქტორი). - თბილისი, უნივერსალი, 2015. - 162გვ.. - ISBN: 978-9941-22-515-4
• Deutsche Redensarten = გერმანული ფრაზეოლოგიზმები : წარმოშობა, მნიშვნელობა, გამოყენება : დამხმ. სახელმძღვ. გერმ. ენ. ზეპირმეტყვ. უნარ-ჩვევების განვითარებისათვის (ავტორი). - თბილისი, ი.ს. "გოჩა დალაქიშვილი", 2008. - 171გვ.. - ISBN: 978-9941-0-0636-4
• თარგმნის ტექნიკა (თანაავტორი). - თბილისი, გამ-ბა "ენა და კულტურა"-ს სტ., 2003. - 106გვ.
• გერმანულ-ქართული საზოგადოებრივ-პოლიტიკურ სიტყვათა ლექსიკონი = Das deutsch-georgische gesellschaftlich-politische Worterbuch : უნ-ტის სტუდ.-თვის (თანაავტორი). - თბილისი, 2002. - 60გვ.
• ქართულ-ფრანგულ-ინგლისურ-გერმანულ-რუსული იურიდიული ტერმინოლოგიის ლექსიკონი (შემდგენელი). - თბილისი, 2002. - 106გვ.
• ქართულ-ფრანგულ-ინგლისურ-გერმანულ-რუსული ეკონომიკური ტერმინოლოგიის ლექსიკონი (შემდგენელი). - თბილისი, Lingua plus, 2001. - 111გვ.