ანა შალიკაშვილი

დაბადების ადგილი: ქ. ქუთაისი.

დაამთავრა თბილისის სახელმწიფო სამხატვრო აკადემია 1942 წელს.

მისი პედაგოგები იყვნენ: დ. კაკაბაძე, ს. ქობულაძე, შ. მამალაძე; 1940 წლიდან მონაწილეობს სამხატვრო გამოფენებში; მუშაობდა კინოსტუდია "ქართულ ფილმში" ჯერ მულტიპლიკატორად, შემდეგ დამდგმელ მხატვრად; თბილისს უძღვნა ფერწერული ნამუშევრები: სერია "ვაკის პარკი" (1986), "მეეზოვე", "წინდების გამყიდველი", "მეტროს წინ" (სამივე - 1998); შექმნა დაზგური გრაფიკის ნიმუშები ("ძველი უბანი", 1956); ლინოგრავიურების სერია მხატვარ ნ. ფალავანდიშვილის ეტიუდებზე (1979) და სხვა; მას ეკუთვნის ესკიზები ნახატი ფილმებისათვის "ერთი ქილა ერბო", "განთიადის მომღერალი", "რწყილი და ჭიანჭველა", "მამაცი კურდღელი" და სხვა.  ფერმწერი, გრაფიკოსი, მხატვარ-მულტიპლიკატორი. ანა შალიკაშვილის ნახატები დაცულია საქართველოს თანამედროვე ხელოვნების მუზეუმში.

წყარო: თბილისი: ენციკლოპედია.- თბ., 2002. - გვ.917; ჟურნალი "გზა": gza.kvirispalitra.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.178

• საქართველოს მხატვართა კავშირის გრაფიკის სექცია, თავმჯდომარე (1977-1998)
• სსრკ მხატვართა კავშირი, წევრი

• 1999 - ღირსების ორდენი
  ქართული სახვითი ხელოვნების განვითარებაში, მის პოპულარიზაციაში შეტანილი პირადი დიდი წვლილისა და ნაყოფიერი პედაგოგიური მოღვაწეობისათვის
• 1984 - საქართველოს სახალხო მხატვარი
• საქართველოს დამსახურებული მხატვარი