გიორგი მერკვილაძე

დაბადების ადგილი: სოფელი ჯონია, ტყიბულის რაიონი.

დაამთავრა სოხუმის პედაგოგიური ინსტიტუტი 1947 წელს და სკკპ ცკ-სთან არსებული საზოგადოებრივ მეცნიერებათა აკადემია 1952 წელს.

1952-1953წწ. გაზეთ "კომუნისტის" რედაქტორი; 1953-154წწ. გამომცემლობა "სახელგამის" დირექტორი; 1972-1982წწ. ალმანახ "კრიტიკის" მთავარი რედაქტორი; 1976 წლიდან რუსთაველის სახელობის ქართული ლიტერატურის ისტორიის ინსტიტუტის საბჭოთა ლიტერატურის განყოფილების ხელმძღვანელი. პირველი ნარკვევები 1932 წელს გამოაქვეყნა, პირველი წიგნი "სოციალისტური რეალიზმის შესახებ" 1954 წელს.  მისი კვლევის მთავარი საგანია უახლესი და თანამედროვე საბჭოთა ქართული ლიტერატურის აქტუალური პრობლემები (წიგნები "პოეზია და ხალხი, 1956; "ლიტერატურა და ცხოვრება", 1956; "თანამედროვე ქართული რომანი საზღვარგარეთ", 1960). რუსულ ენაზე: "თვალთახედვა მხატვრისა", 1963; "თანამედროვე ქართული რომანი", 1965; "გრიგალას სიმღერა"- მ. გორკი. ცხოვრება და შემოქმედება", 1968; "რომანი და ეპოქა", 1973; "ფიქრები პოეზიაზე", 1975; "ლიტერატურა და თანამედროვეობა",  1978; "წერილები თანამედროვე მწერლობაზე", 1979; "შთაგონება მხატვრისა", 1980 და სხვა). მან თარგმნა მ. გორკის, ა. იაკოვლევის, ვ. არდამატსკისა და სხვათა ნაწარმოებები. ფილოლოგიის მეცნიერებათა დოქტორი (1965), პროფესორი (1968).

წყარო: ქართული საბჭოთა ენციკლოპედია: ტ. 6.-თბ., 1983.-გვ.589; წიგნი ღირსებისა: ტ. 2 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 1997. - გვ.78

• სკკპ , წევრი (1939-)

• 1997 - ღირსების ორდენი
• 1977 - საქართველოს მეცნიერებათა დამსახურებული მოღვაწე
• საპატიო ნიშნის ორდენი

• მხატვარი და ეპოქის სიმართლე (ავტორი). - თბილისი, მერანი, 1987. - 280გვ.
• ფიქრები პოეზიაზე : კრიტიკული ნარკვევები ქართული ლიტერატურის ისტორიიდან (ავტორი). - თბილისი, მერანი, 1975. - 387გვ.
• რომანი და ეპოქა (ავტორი). - თბილისი, საბჭ. საქართველო, 1973. - 533გვ.
• თვალთახედვა მხატვრისა : კრიტიკ. წერილები; რედ: გ. ნატროშვილი (ავტორი). - თბილისი, ლიტერატურა და ხელოვნება, 1963. - 421გვ.