რამაზ შენგელია

დაბადების ადგილი: ქ. ქუთაისი.

დაამთავრა საქართველოს ფიზკულტურის ინსტიტუტი 1980 წელს და თბილისის სახელმწიფო უნივერსიტეტი 1985 წელს.

1974-1976წწ. თამაშობდა ქუთაისის "ტორპედოში"; 1977-1988წწ. იყო თბილისის "დინამოს" თავდამსხმელი; უმაღლეს ლიგაში ჩატარებული აქვს 283 მატჩი (120 გოლი); სსრკ ნაკრებში - 26 მატჩი (10 გოლი), ევროპის საკლუბო ტურნირებზე - 38 მატჩი (19 გოლი); 1982 წელს მსოფლიო ჩემპიონატის მონაწილე; 1981 წელს თბილისის "დინამოს" შემადგენლობაში მოიპოვა ევროპის ქვეყნების თასების მფლობელთა თასი; სსრკ 33 საუკეთესო ფეხბურთელის სიაში შეყვანილი იყო 5-ჯერ; 1981 წელს "ფრანს ფუტბოლის" ანკეტაში შევიდა ევროპის საუკეთესო ფეხბურთელთა ათეულში (მე-7 ადგილი); 1981 წელს სსრკ საუკეთესო სპორტსმენთა ათეულში დაასახელეს მესამე ნომრად და აღიარეს საქართველოს საუკეთესო სპორტსმენად; 1981 წელს სსრკ ჩემპიონატის საუკეთესო სნაიპერი 23 გატანილი გოლით, გ. ფედოტოვის სახ. კლუბის წევრი (157 გოლი); გამოირჩეოდა მაღალი შედეგიანობით, საგოლე ალღოთი, ორივე ფეხით ზუსტი და მახვილი დარტყმებით, მეტოქის საჯარიმო მოედანზე აგრესიული თამაშით; სპორტის სახეობა: ფეხბურთი.

წყარო: თბილისი: ენციკლოპედია.- თბ., 2002.-გვ.924; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.115

• 1998 - ღირსების ორდენი
  ქართული ფეხბურთის განვითარებაში, მისი პოპულარიზაციის საქმეში შეტანილი განსაკუთრებული წვლილისათვის
• 1981 - სსრკ საუკეთესო ფეხბურთელი
• 1981 - სსრკ სპორტის დამსახურებული ოსტატი
• 1981 - სსრკ ჩემპიონი (მესამე პრიზიორი)
• 1979 - სსრკ თასის მფლობელი
• 1978 - სსრკ ჩემპიონი
• 1978 - სსრკ საუკეთესო ფეხბურთელი
• 1977 - სსრკ ჩემპიონი (მეორე პრიზიორი)