ირაკლი ჩხიკვიშვილი

დაბადების ადგილი: დაბა ჩოხატაური.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1942 წელს; მოსკოვის უმაღლესი პარტიული სკოლა 1946 წელს.

მუშაობდა საქართველოს კპ ცკ-ის აპარატში; 1949-1953წწ. არჩეული იყო საქართველოს კპ აჭარის საოლქო კომიტეტის მდივნად; 1953-1964წწ. მუშაობდა გაზეთ "ზარია ვოსტოკას" რედაქტორად; შემდეგ გადავიდა მოსკოვში, სადაც 1964-1974წწ. სკკპ ცკ-ის აპარატში ეკავა მთელი რიგი საპასუხისმგებლო თანამდებობები; 1974-1984წწ. იყო სსრკ გამომცემლობების, პოლიგრაფიისა და წიგნის ვაჭრობის საქმეთა სახელმწიფო კომიტეტის თავმჯდომარის პირველი მოადგილე; იყო საქართველოს ჟურნალისტთა კავშირის პირველი თავმჯდომარე; სსრკ ჟურნალისტთა კავშირის გამგეობის მდივანი; ეწეოდა საზოგადოებრივ მოღვაწეობას; იყო სსრკ-ესპანეთის, სსრკ-დანიის მეგობრობის საზოგადოებათა ვიცე-პრეზიდენტი; მსოფლიო ლიტერატურის 200-ტომიანი ბიბლიოთეკის გამოცემაში მონაწილეობისათვის მიენიჭა სსრკ სახელმწიფო პრემია (1978); ფილოსოფიის მეცნიერებათა კანდიდატი (1950).

წყარო: თბილისი: ენციკლოპედია.- თბ., 2002.-გვ.942

• 1959 - საქართველოს დამსახურებული ჟურნალისტი