ჯემალ ცერცვაძე

დაბადების ადგილი: ქ. თბილისი.

თბილისის "ქარიშხალას" და სსრკ ნაკრების წევრი; სამჯერ იყო შეყვანილი მსოფლიოს ნაკრებში; ოთხი მსოფლიო ჩემპიონატის მონაწილე; 1968 წელს მსოფლიო ფესტივალის ჩემპიონი, რკინიგზელთა მსოფლიო პირველობის ვერცხლის პრიზიორი; დიდი წვლილი მიუძღვის საქართველოში ხელბურთის განვითარების საქმეში; გამოირჩეოდა საჯარიმო ტყორცნების განუმეორებელი ხელწერით, განსაკუთრებული მახვილგონიერებით; მისი ყოველი ფინტი თუ ტყორცნა სიურპრიზი იყო მეტოქისათვის; შეტევისას ცრუმოძრაობათა კასკადით თავგზას უბნევდა მოწინააღმდეგის მცველებს; ამ და სხვა ღირსებათა გამო გულშემატკივრებმა "ხელბურთის პელე" შეარქვეს; დააარსა მსოფლიოში პირველი ოლიმპიური რეზერვის ხელბურთელთა უნიკალური სკოლა, რომელიც მისი სახელობისაა; სპორტის სახეობა: ხელბურთი.

წყარო: თბილისი: ენციკლოპედია.- თბ., 2002.-გვ.946; საქართველოს ხელბურთის ეროვნული ფედერაცია: geohandball.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.124

• 1999 - ღირსების ორდენი
  საქართველოში ხელბურთის განვითარებაში შეტანილი პირადი დიდი წვლილისა და ნაყოფიერი პედაგოგიური საქმიანობისათვის
• 1964 - სსრკ ჩემპიონი
• 1962 - სსრკ ჩემპიონი
• ქართული სპორტის რაინდის წოდება
• სსრკ სპორტის დამსახურებული მოღვაწე