ალექსანდრე თევზაძე

დაბადების ადგილი: ქ. თბილისი.

დაამთავრა საქართველოს საინჟინრო-სამშენებლო ინსტიტუტი 1930 წელს.

1924 წლიდან(ჯერ კიდევ სტუდენტობის დროიდან) მუშაობდა სხვადასხვა სამშენებლო და საპროექტო ორგანიზაციებში: 1941–1954წწ. იყო საპროექტო ინსტიტუტის "თბილქალაქპროექტის" მმართველი, 1954–1959წწ. თბილისის მთავარი არქიტექტორი, 1960–1967წწ. საპროექტო ინსტიტუტის "საქგიპროტორგის" არქიტექტურული სახელოსნოს ხელმძღვანელი. ძირითადი ნამუშევრები: საცხოვრებელი სახლები თბილისში(1950, თ. ჭოველიძისა და მ. კოსტავას ქუჩების გადაკვეთა, არქიტექტორ ქ. დგებუაძესთან ერთად; 1950, პ. მელიქიშვილის ქუჩა, 8, არქიტექტორ ი. კასრაძესთან ერთად; 1953, თამარ მეფის გამზირი, 23/25, არქიტექტორ ი. კასრაძესთან ერთად), დასასვენებელი სახლის რეკონსტრუქცია წყნეთში (XX საუკუნის 50-იანი წლების დასაწყისი). 

წყარო: საქართველო: ენციკლოპედია: ტ.III.–თბ., 2014.-გვ.644

• საქართველოს არქიტექტორთა კავშირი, თავმჯდომარე (1959-1960)

• 1964 - საქართველოს დამსახურებული ინჟინერი