დუდარ ხახანოვი

დაბადების ადგილი: ქ. ცხინვალი.

1940–1942წწ. სწავლობდა თბილისის სახელმწიფო კონსერვატორიაში(სავიოლინო), 1947–1952წწ.(საკომპოზიციო).

1937–1940წწ. და 1942–1946წწ. იყო ქ. სტალინირის(ცხინვალი) დრამატული თეატრის ორკესტრის მუსიკოსი და მუსიკალური ნაწილის გამგე; 1942–1946წწ. ცხინვალის ხეთაგუროვის სახელობის დრამატული თეატრის მუსიკალური განყოფილების გამგე, პარალელურად მუსიკალური სკოლის პედაგოგი; 1946–1949წწ. იყო თბილისის მოზარდმაყურებელთა თეატრის ორკესტრის მუსიკოსი; 1952–1953წწ. სამხრეთ ოსეთის სიმღერისა და ცეკვის სახელმწიფო ანსამბლის მხატვრული ხელმძღვანელი; 1953 წლიდან სიცოცხლის ბოლომდე თბილისის II მუსიკალური სასწავლებლის პედაგოგი; თხზულებები: პირველი ოსური ოპერეტა "ხანძერიფა"(1948, მ. შავლოხოვის ლიბრეტო), ინსტრუმენტული კონცერტები: საფორტეპიანო, სავიოლინო, მცირე ფორმის ვოკალურ–ინსტრუმენტული, კამერულ–ინსტრუმენტული ნაწარმოებები, სიმებიანი კვარტეტი(1948), რომანსები(ოსი პოეტების ლექსებზე), გუნდები(ხალხურ და ოსი პოეტების ლექსებზე), კანტატა, ხალხური სიმღერები დამუშავებული მუსიკალურ–დრამატული სპექტაკლებისათვის; ხელოვნებათმცოდნეობის კანდიდატი(1973), საქართველოში მცხოვრები ოსი კომპოზიტორი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 581; http://ru.wikipedia.org/wiki/Хаханов,_Дудар_Соломонович

• 1974 - რსფსრ ხელოვნების დამსახურებული მოღვაწე
• 1969 - ჩრდილო ოსეთის ასსრ კ. ლ. ხეთაგუროვის სახელობის სახელმწიფო პრემია
• 1960 - ჩრდილო ოსეთის ასსრ ხელოვნების დამსახურებული მოღვაწე
• 1957 - საქართველოს ხელოვნების დამსახურებული მოღვაწე
• მედალი "კავკასიის დაცვისთვის"
• მედალი "შრომითი წარჩინებისთვის"