რაჟდენ ხუნდაძე

დაბადების ადგილი: სოფელი კალაგონი, ჩოხატაურის რაიონი

დაამთავრა თბილისის სასულიერო სემინარია.

ცხოვრობდა და მოღვაწეობდა ქუთაისში, სადაც გიმნაზიაში ასწავლიდა საღვთო სჯულსა და სასულიერო გალობას; ტიპიკონის ქართული ვერსიის ავტორი; დიდი დამსახურება მიუძღვის სასულიერო საგალობლების, ხალხური სიმღერების შეკრება, ჩაწერასა და პოპულარიზაციაში; 19885–1912წწ. გამოსცა ქართული სასულიერო საგალობლის 10–ზე მეტი კრებული, მათგან აღსანიშნავია: "შემოკლებული საეკლესიო ტიბიკონი" (1887, ქუთაისი), "ღვთისმშობლის მიძინების სვინაქსარი"(1894, ქუთაისი), "ქართული საეკლესიო გალობა გურულ-იმერულ კილოზე" (1902, ქუთაისი), "ქართული გალობა(ლიტურღია იოანე ოქროპირისა, ვასილ დიდისა და გრიგოლ ღვთის-მეტყველისა. პარტიტურა, ნოტებზე გადაღებული გურულ-იმერულ სადა კილოზე)" (1911, თფილისი), "საეკლესიო ტიბიკონი"(1910, ქუთაისი); ეწეოდა აქტიურ ლიტერატურულ და პუბლიცისტურ მოღვაწეობა, "საჯავახოელი"-ს, "საჯაოხელი"-ს, "ქართველიშვილი"-ს ფსევდონიმებით ლექსებს და პუბლიცისტურ წერილებს აქვეყნებდა ქართულ პერიოდულ პრესაში ("ივერია", "მწყემსი", "კოლხიდა", "განათლება", "ჩვენი ქვეყანა"); 1905 წელს ქუთაისში გამოიცა მისი ლექსების კრებული; ხუნდაძეს ეკუთვნის, აგრეთვე, რამდენიმე მუსიკალური ნაწარმოები, მათ შორის ოპერა "უცნაური ქორწილი"; მეგობრობდა ეპისკოპოს გაბრიელ ქიქოძესთან, ი. ჭავჭავაძესთან, ა. წერეთელთან, ნ. ნიკოლაძესთნ, მ. გურიელთან; დეკანოზი, საზოგადო მოღვაწე, ქართული საეკლესიო საგალობლების ცნობილი შემკრები, ნოტებზე გადამტანი და შემსრულებელი, ლოტბარი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 588;  ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.401

• იმერეთის ეპარქიის სარწმუნოებრივ–საგანმანათლებლო ძმობა, წევრი
• საქართველოს საისტორიო და საეთნოგრაფო საზოგადოება, წევრი
• საქართველოს წერა–კითხვის გამავრცელებელი საზოგადოება, წევრი