ვანო ხოჯაბეგოვი

დაბადების ადგილი: ქ. თბილისი.

მხატვარმა ბ. ფოგელმა ნ. სკიფოსოვსკის კერძო სამხატვრო სკოლაში ჩარიცხა 1910 წელს. 

ხატვა ბავშვობიდან დაიწყო. ფედოსეევის (ახლანდელი ვ. სარაჯიშვილის) ქუჩაზე გახსნა საწვრილმანო დუქანი; როცა კი მოიცლიდა ხატავდა მუშტრებს, თბილისელ მოქალაქეებს; 1916 წელს მონაწილეობდა "დიდების ტაძარში" (ახლანდელი სამხატვრო გალერეა) მოწყობილ მხატვართა გამოფენაში, შემდეგ - "სომეხ მხატვართა კავშირის" გამოფენაზე ჯერ თბილისში, შემდეგ კონსტანტინოპოლში და სხვა; მისი მხატვრობა ისეთივე ორიგინალური და დამოუკიდებელია, როგორც ძველი თბილისის ყოფა; შექმნა ძველი თბილისის ყოფის ამსახველი სერიები: ყოჩების ჭიდილი, ყეენობა, ყარაჩოხელთა ქეიფი, კრივი, ქართული ჭიდაობა და სხვა; მისი ნახატების მდიდარი კოლექცია დაცულია თბილისის ისტორიულ-ეთნოგრაფიულ სახელმწიფო მუზეუმსა და საქართველოს ხელოვნების სახელმწიფო მუზეუმში. წარმოშობით სომეხი თბილისელი მხატვარი.

წყარო: თბილისი: ენციკლოპედია.- თბ., 2002.-გვ.996; ვანგოგენი: vangogen.blogspot.com; მხატვარი ვანო ხოჯაბეგოვი : XIX სუკ. დასასრ. და XX საუკ. დასაწყ. თვითნასწავლი მხატვრის ცხოვრებისა და შემოქმედების შესახებ / თეიმურაზ ბერიძე. - თბ.,1969. - 84გვ.