ირინე ჯალაღანია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1949 წელს.

1949-1969 წწ. იყო აკად. ს. ჯანაშიას სახ. საქართველოს სახელმწიფო მუზეუმის მეცნიერ თანამშრომელი; 1969 წლიდან - აკად. ი. ჯავახიშვილის სახ. ისტორიის, არქეოლოგიისა და ეთნოგრაფიის ინსტიტუტის მეცნიერ თანამშრომელი; 1978-2003 წწ. არქეოლოგიური კვლევის ცენტრის სწავლული მდივანი; 2003 წლიდან უფროსი მეცნიერ თანამშრომელი, შემდგომ სახელმწიფო სტიპენდიანტი. შესწავლილი აქვს თბილისში მოჭრილი არაბული და მონღოლური დირჰემები, აგრეთვე თბილისში აღმოჩენილი XII-XIII სს. ქართული და აღმოსავლური მონეტების განძები; არის ოცდაათზე მეტი სამეცნიერო ნაშრომის ავტორი, აქედან 5 მონოგრაფიაა, რომლებიც გამოქვეყნებულია ქართულ, რუსულ და ფრანგულ ენებზე. მის კვლევის სფეროში ძირითადად მოქცეულია V-XIV სს. საქართველოში მოჭრილი და სინქრონულად საქართველოს სამონეტო ცირკულაციაში ჩართული აღმოსავლური მონეტები. ნუმიზმატი, ისტორიის მეცნიერებათა დოქტორი (1982).

წყარო: თბილისი: ენციკლოპედია.- თბ., 2002.-გვ.1002; ქართული ნუმიზმატიკური ლექსიკონი.- თბ., 2009.- გვ.183-184

• ქართული ნუმიზმატიკური ლექსიკონი (თანაავტორი). - თბილისი, ნეკერი, 2009. - 204გვ.
• საქართველოს სამონეტო განძები (ავტორი) // ნაწ.1. - თბილისი, მეცნიერება, 1975. - 223გვ.
• ქუფური მონეტების ტოპოგრაფია საქართველოში (ავტორი). - თბილისი, მეცნიერება, 1972. - 31გვ.
• Из истории монетного дела в Грузии ХIII века (ავტორი). - Тбилиси, Изд-во АН Груз. ССР, 1958. - 128с.