თინათინ ქიქოძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1937 წელს. 

1936 წლიდან მუშაობდა განათლების სამინისტროსთან არსებული სამეცნიერო ტერმინოლოგიის კომიტეტში. უმაღლესი სასწავლებლის დასრულების შემდეგ მუშაობდა ენისა და მატერიალური კულტურის ინსტიტუტის სამეცნიერო ტერმინოლოგიის განყოფილებაში მეცნიერ-თანამშრომლის თანამდებობაზე. 1947 წლიდან დაიწყო მთარგმნელობითი მუშაობა. თარგმნიდა ფრანგულ მხატვრულ ლიტერატურას. მონაწილეობდა საბჭოთა კავშირ-საფრანგეთის მეგობრობის საზოგადოების საქართველოს განყოფილების მუშაობაში. 1967 წელს იმოგზაურა საფრანგეთში საზოგადოების მიერ წარგზავნილ სპეციალიზირებული ტურისტული ჯგუფის შემადგენლობაში. პირველი თარგმანი (ონორე დე ბალზაკის "ეჟენი გრანდე") გამოაქვეყნა 1948 წელს. თარგმნა ონორე დე ბალზაკის, სტენდალის, ალექსანდრ დიუმას, ანტუან დე სენტ-ეგზიუპერის, ალბერ კამიუს, ანდრე მორუას, მორის დრიუონის და სხვა  ფრანგ მწერალთა თხზულებანი.

წყარო : ქართული საბჭოთა ენციკლოპედია: ტ.10-თბ., 1986.-გვ.538; მწერალთა ავტობიოგრაფიები. წ. 2/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.556

• საბჭოთაკავშირ-საფრანგეთის მეგობრობის საზოგადოება, წევრი (1965-)
• სსრკ მწერალთა კავშირი, წევრი (1965-)

• გავროში/ვიქტორ ჰიუგო (მთარგმნელი). - თბილისი, ბაკურ სულაკაურის გამ-ბა, 2011. - 208გვ. . - ISBN: 9789941153235
• კავკასია : მოგზაურობის შთაბეჭდილებანი (მთარგმნელი). - თბილისი, აგორა, 2009. - 334გვ.. - ISBN: 978-9941-9002-9-7
• ლიტერატურული ეტიუდები (მთარგმნელი). - თბილისი, საბჭ. საქართველო, 1988. - 603გვ.