ბორის თურქია

დაბადების ადგილი: ქ. სოხუმი.

დაამთავრა თბილისის ტრანსპორტის ინჟინერთა ინსტიტუტი გვირაბების მშენებლობის სპეციალობით 1960 წელს.

1961 წლიდან მუშაობდა თბილისის საშენ მასალათა სამეცნიერო-კვლევით ინსტიტუტში, თბილისის ჰიდროენერგეტიკის ნაგებობათა სამეცნიერო-კვლევით ინსტიტუტში, ხელმძღვანელობდა გვირაბების ლაბორატორიას. 1994 წლიდან იყო საშენ მასალათა კვლევით ინსტიტუტის დირექტორის მოადგილე. ეწეოდა პედაგოგიურ მოღვაწეობას, იყო საქართველოს პოლიტექნიკური ინსტიტუტის ხიდებისა და გვირაბების კათედრის პროფესორი. მისი სამეცნიერო-კვლევითი მოღვაწეობა დაკავშირებული იყო ახალი ტიპის რკინა-ბეტონის კონსტრუქციების შექმნასა და მათ დამუშავებასთან, გვირაბების გაყვანის ორგანიზებასთან. გამოქვეყნებული აქვს ორი მონოგრაფია, 4 სახელმძღვანელო, მიღებული აქვს პატენტები გამოგონებებზე. ტექნიკურ მეცნიერებათა დოქტორი (1993), პროფესორი (1997), ინჟინერ-მშენებელი.

წყარო: საქართველო: ენციკლოპედია: ტ. IV. -თბ., 2018. -გვ.131

• საქართველოს საინჟინრო აკადემია, წევრ–კორესპონდენტი (1996-)