გიორგი თვალაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1931 წელს.

ინსტიტუტის დამთავრების შემდეგ მუშაობდა მთათუშეთში. მისი ძალისხმევით მაღაროსკარში გაიხსნა პირველი საავადმყოფო. 1934–1940 წლებში მუშაობდა ლენინგრადის სამხედრო-სამედიცინო აკადემიის ნორმალური ანატომიის კათედრაზე და ვ. ბეხტერევის სახელობის ტვინის ინსტიტუტში. 1941–1944 წლებში იყო ამიერკავკასიის სამხედრო ჰოსპიტლის მთავარი ექიმი, 1947 წლიდან გარდაცვალებამდე ხელმძღვანელობდა თბილისის სახელმწიფო ფიზკულტურის ინსტიტუტის ნორმალური ანატომიის კათედრას. 1938 წელს მიწვეული იყო ექიმად ყინულმჭრელზე "იოსებ სტალინი"(გაზეთ "კომუნისტის" საკუთარი კორესპონდენტიც იყო). გიორგი თვალაძეს ეკუთვნის ქართულ ენაზე გამოქვეყნებული პირველი ადამიანის ანატომიური ატლასი, რომელის 1959 წელს გამოიცა. საფუძველი ჩაუყარა ადამიანის ანატომიის პროგრამირებულ სწავლებას. არის რამდენიმე სახელმძღვანელოს ავტორი. მედიცინის მეცნიერებათა დოქტორი (1940), პროფესორი (1940).

წყარო: საქართველო: ენციკლოპედია: ტ. IV. -თბ., 2018. -გვ.56; georgianencyclopedia.ge

• ადამიანის ანატომია : სახელმძღვ. ფიზიკური კულტურის ინ-ტის სტუდენტებისათვის (ავტორი) // ნაწ. 2. - თბილისი, განათლება, 1970. - 362გვ.
• სახელმძღვანელო ადამიანის ანატომიის პროგრამირებული სწავლებისათვის (ავტორი). - თბილისი, თბილ. უნ-ტის გამ-ბა, 1969. - 499გვ.
• ადამიანის ანატომია : სახელმძღვ. ფიზიკური კულტურის ინ-ტის სტუდენტებისათვის (ავტორი) // ნაწ. 1. - თბილისი, განათლება, 1968. - 443გვ.
• ადამიანის სხეულის მოძრაობათა ანატომიური ანალიზი : დამხმ. სახელმძღვ. ფიზ. კულტურის ინ-ტის სტუდენტებისათვის (ავტორი). - თბილისი, განათლება, 1967. - 131გვ.
• ატლანტ-კეფის სინოსტოზის საკითხისათვის (ავტორი). - ტფილისი, ტფ. სახელმწ. სამედიც. ინსტ. გა-მა, 1933. - 25გვ.